ಕ್ಲಿಯೋಪಾತ್ರಳಾಗಿ ಕಪ್ಪು ಮಹಿಳೆ: Netflix ವಿರುದ್ಧ ಕೇಸು!

ಈಜಿಪ್ಟ್: ಈಜಿಪ್ಟ್ ನ ಖ್ಯಾತ ಸಾಮ್ರಾಜ್ಙಿ ರಾಣಿ ಕ್ಲಿಯೋಪಾತ್ರ ಕುರಿತು ನೆಟ್‌ಫ್ಲಿಕ್‌ನಲ್ಲಿ ಬಿಡುಗಡೆಯಾಗಲಿರುವ “ಕ್ವೀನ್‌ ಕ್ಲಿಯೋಪಾತ್ರ”  ಸಾಕ್ಷ್ಯಚಿತ್ರದಲ್ಲಿ ರಾಣಿ ಪಾತ್ರಕ್ಕೆ ಕಪ್ಪು ಮಹಿಳೆಯನ್ನು ಆಯ್ಕೆ ಮಾಡಿರುವುದಕ್ಕಾಗಿ ಈಜಿಪ್ಟ್ನ ವಕೀಲರೊಬ್ಬರು ನೆಟ್‌ಫ್ಲಿಕ್ಸ್‌ ವಿರುದ್ಧ ಮೊಕದ್ದಮೆ ಹೂಡಿದ್ದಾರೆ. ಮೇ 10ರಂದು ಪ್ರಸಾರವಾಗಬೇಕಿರುವ ಸಾಕ್ಷ್ಯಚಿತ್ರದ ನಾಯಕಿಯಾಗಿ ಬ್ರಿಟಿಷ್‌ ನಟಿ ಅಡೆಲೆ ಜೇಮ್ಸ್‌ ಅಭಿನಯಿಸಿದ್ದಾರೆ. ಈ ಹಿನ್ನೆಲೆ ಮೊಹಮ್ಮದ್‌-ಅಲ್‌-ಸೆಮರಿ ಎಂಬ ವಕೀಲ, ರಾಣಿಯ ಪಾತ್ರದಲ್ಲಿ ಕಪ್ಪು ಮಹಿಳೆಯನ್ನು ತೋರಿಸಿರುವುದು ಸರಿಯಲ್ಲ ಎಂದಿದ್ದು, ದೇಶದ ಸಾಂಸ್ಕೃತಿಕ ಪರಂಪರೆಯನ್ನು ಕಾಪಾಡಲು ಸಾಕ್ಷ್ಯಚಿತ್ರದ ಪ್ರದರ್ಶನಕ್ಕೆ ತಡೆ ಕೋರಿದ್ದಾರೆ.