900 ರೂ. ಗಡಿಯತ್ತ ಒಣ ಕೊಕ್ಕೊ; 300 ರೂ. ಗಡಿಯತ್ತ ಹಸಿ ಕೊಕ್ಕೊ!

ಪುತ್ತೂರು: ಕ್ಯಾಂಪ್ಕೋ ಮಾರುಕಟ್ಟೆಯಲ್ಲಿ ಹಸಿ ಕೊಕ್ಕೊ, ಒಣ ಕೊಕ್ಕೊ ಧಾರಣೆ ಮತ್ತಷ್ಟು ಜಿಗಿದಿದ್ದು, ಹೊರ ಮಾರುಕಟ್ಟೆಯಲ್ಲಿಯೂ ಅತ್ಯಧಿಕ ದರ ದಾಖಲಾಗಿದೆ. ಧಾರಣೆಯ ನಾಗಲೋಟ ಗಮನಿಸಿ ದರೆ ಒಣ ಕೊಕ್ಕೊ 900 ರೂ. ಗಡಿಯತ್ತ, ಹಸಿ ಕೊಕ್ಕೊ 300 ರೂ. ಗಡಿಯತ್ತ ತಲುಪುವ ಸಾಧ್ಯತೆ ಕಂಡು ಬಂದಿದೆ.

ಹೊರ ಮಾರುಕಟ್ಟೆ ಮುಂದು ಎ. 6ರಂದು ಪಂಜ ಮಾರುಕಟ್ಟೆಯಲ್ಲಿ ಹಸಿ ಕೊಕ್ಕೊ ಧಾರಣೆ ಕೆ.ಜಿ.ಗೆ 248 ರೂ. ದಾಖಲಾಗಿತ್ತು. ಎ. 8ರಂದು ಸುಳ್ಯ ಹೊರ ಮಾರುಕಟ್ಟೆಯಲ್ಲಿ ಕೆ.ಜಿ.ಗೆ 258 ರೂ. ದಾಖಲಾಗಿದೆ. ಎ. 1ರಂದು 230 ರೂ. ಇದ್ದ ಕ್ಯಾಂಪ್ಕೋ ಮಾರುಕಟ್ಟೆಯಲ್ಲಿ ಎ. 8ರಂದು 255 ರೂ.ಗೆ ತಲುಪಿದೆ.

ಒಣ ಕೊಕ್ಕೊ ಜಿಗಿತ!
ಮಾ. 25ರಂದು 575-650 ರೂ. ಧಾರಣೆಯಲ್ಲಿದ್ದ ಒಣ ಕೊಕ್ಕೊ ಅನಂತರ 675 ರೂ. ಆಸುಪಾಸಿಗೆ ಬಂದು ತಲುಪಿತ್ತು. ಎ. 8ರಂದು ಕ್ಯಾಂಪ್ಕೋ ಮಾರುಕಟ್ಟೆಯಲ್ಲಿ ಒಣ ಕೊಕ್ಕೊ ಕೆ.ಜಿ.ಗೆ 825 ರೂ.ಗೆ ಖರೀದಿ ಆಗುವ ಮೂಲಕ ದಾಖಲೆ ಬರೆದಿದೆ.