ಮಣಿಪುರ ಭೂಕುಸಿತಕ್ಕೆ 9 ಬಲಿ; ಹಲವಾರು ಮನೆ ಭೂಗತ

ಹೊಸದಿಲ್ಲಿ : ಮಣಿಪುರದ ತಮೇಂಗ್‌ಲಾಂಗ್‌ ನಲ್ಲಿ ಇಂದು ಬುಧವಾರ ನಸುಕಿನ ವೇಳೆ ಸಂಭವಿಸಿರುವ ಭೀಕರ ಭೂಕುಸಿತಕ್ಕೆ 9 ಮಂದಿ ಬಲಿಯಾಗಿರುವುದಾಗಿ ಎಎನ್‌ಐ ವರದಿ ತಿಳಿಸಿದೆ.

ಭೂಕುಸಿತದಿಂದಾಗಿ ಹಲವಾರು ಮನೆಗಳು ಧರಾಶಾಯಿಯಾದವು; 9 ಮಂದಿ ಜೀವ ಕಳೆದುಕೊಂಡರು; ಅವಶೇಷಗಳೆಡೆ ಸಿಲುಕಿಕೊಂಡವರನ್ನು ರಕ್ಷಿಸುವ ಕಾರ್ಯಾಚರಣೆ ಸಾಗುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಕಳೆದ ತಿಂಗಳಲ್ಲಿ ಉಂಟಾದ ಜಡಿಮಳೆಯಿಂದ ವ್ಯಾಪಕ ನೆರೆ ಉಂಟಾಗಿತ್ತು. ಹಲವಾರು ಜನರು ನೆರೆಯಲ್ಲಿ ಕೊಚ್ಚಿಹೋಗಿದ್ದರು. 

ಮಣಿಪುರದಲ್ಲಿನ ಪ್ರಮುಖ ನದಿಗಳು ಅಪಾಯಕಾರಿ ಮಟ್ಟದಲ್ಲಿ ತುಂಬಿ ಹರಿಯುತ್ತಿವೆ. ಲಿಲಾಂಗ್‌ ನದಿಯು ಅಪಾಯದ ಮಟ್ಟವನ್ನು ಮೀರಿದೆ ಎಂದು ವರದಿಯಾಗಿದೆ.