ಸಾಲಿಗ್ರಾಮ,ವಂಡಾರು, ಪಾಂಡೇಶ್ವರದಲ್ಲಿ ಒಟ್ಟು 8ಮಂದಿಗೆ ಪಾಸಿಟಿವ್

ಕೋಟ: ಕೋಟ ಹೋಬಳಿಯ ಸಾಲಿಗ್ರಾಮ, ವಂಡಾರು, ಪಾಂಡೇಶ್ವರದಲ್ಲಿ ರವಿವಾರ ಮತ್ತೆ ಎಂಟು ಮಂದಿಗೆ ಕೋವಿಡ್ 19 ಸೋಂಕು ಇರುವುದು ಪತ್ತೆಯಾಗಿದೆ.

ಸಾಲಿಗ್ರಾಮ ಚಿತ್ರಪಾಡಿಯ ಹೋಟೆಲ್‌ವೊಂದರ 5 ಮಂದಿ ಕಾರ್ಮಿಕರಿಗೆ ಹಾಗೂ ಬೆಂಗಳೂರಿನಿಂದ ಆಗಮಿಸಿದ ಪಾಂಡೇಶ್ವರದ ನಿವಾಸಿಗೆ, ವಂಡಾರಿನ ಜನರಲ್ ಸ್ಟೋರ್ ಹಾಗೂ ಝೆರಾಕ್ಸ್ ಅಂಗಡಿಯ ಮಾಲೀಕರಿಬ್ಬರಿಗೆ ಪಾಸಿಟಿವ್ ಇರುವುದು ದೃಢಪಟ್ಟಿದ್ದು ಇವರೆಲ್ಲರನ್ನೂ ಕೋವಿಡ್ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಚಿತ್ರಪಾಡಿಯ ಹೋಟೆಲ್ ಈ ಹಿಂದೆ ಕಂಟೋನ್ಮೆಂಟ್ ಝೋನ್ ಆಗಿ ಪರಿವರ್ತಿಸಿದ್ದು, ವಂಡಾರಿನ ಅಂಗಡಿ ಹಾಗೂ ಝೆರಾಕ್ಸ್ ಶಾಪ್ ಇದ್ದ ವಾಣಿಜ್ಯ ಸಂಕೀರ್ಣ ಮತ್ತು ಪಾಡೇಶ್ವರದ ನಿವಾಸಿ ವಾಸವಿದ್ದ ಮನೆಯನ್ನು ಕಂಟೋನ್ಮೆಂಟ್ ಝೋನ್‌ ಎಂದು ಘೋಷಿಸಲಾಗಿದೆ.