Theft: ಮನೆಗೆ ನುಗ್ಗಿ 8 ಲಕ್ಷ ರೂ. ಮೌಲ್ಯದ ಚಿನ್ನಾಭರಣ ಕಳವು

ಮಲ್ಪೆ: ಕಿನ್ನಿಮೂಲ್ಕಿಯ ವೆಂಕಟೇಶ್‌ ಶೆಣೈ ಅವರ ಮನೆಗೆ ಆ. 8ರಂದು ಕಳ್ಳರು ನುಗ್ಗಿ ಲಕ್ಷಾಂತರ ರೂ. ಮೌಲ್ಯದ ಚಿನ್ನ ಮತ್ತು ಬೆಳ್ಳಿಯ ಆಭರಣಗಳನ್ನು ಕಳವುಗೈದಿದ್ದಾರೆ.

ವೆಂಕಟೇಶ್‌ ಶೆಣೈ ಅವರ ಪತ್ನಿ ಮನೆಗೆ ಬೀಗ ಹಾಕಿ ಕೆಲಸಕ್ಕೆ ಹೋಗಿದ್ದರು. ವೆಂಕಟೇಶ್‌ ಶೆಣೈ ಅವರು ಸಂಜೆ ಕೆಲಸ ಮುಗಿಸಿ ವಾಪಸು ಬಂದಾಗಲೇ ವಿಷಯ ಬೆಳಕಿಗೆ ಬಂದಿದೆ. ಮನೆಯಲ್ಲಿ ಯಾರೂ ಇಲ್ಲದ ವೇಳೆಯಲ್ಲಿ ಒಳನುಗ್ಗಿದ ಕಳ್ಳರು ಕಪಾಟಿನ ಬೀಗ ಮುರಿದು 30 ಗ್ರಾಂನ ಹವಳದ ಸರ, 20 ಗ್ರಾಂನ ನೆಕ್ಲೆಸ್‌, 24 ಗ್ರಾಂನ 2 ಬಳೆ, 40 ಗ್ರಾಂನ 2 ಸರ, 24 ಗ್ರಾಂನ ಕೈ ಕಡಗ, 4 ಗ್ರಾಂನ ಉಂಗುರ 8 ಗ್ರಾಂನ ಚಿನ್ನದ ನಾಣ್ಯ, 8 ಗ್ರಾಂನ ಓಲೆ, 5 ಗ್ರಾಂನ ಬೆಳ್ಳಿಯ ಕಾಲು ಚೈನ್‌, ಒಟ್ಟು 160 ಗ್ರಾಂನ ಚಿನ್ನ, 5 ಗ್ರಾಂನ ಬೆಳ್ಳಿಯ ಆಭರಣಗಳನ್ನು ಕಳವು ಮಾಡಲಾಗಿದೆ. ಕಳವಾದ ಸೊತ್ತಿನ ಒಟ್ಟು ಮೌಲ್ಯ 8,03,500 ರೂ. ಎಂದು ಅಂದಾಜಿಸಲಾಗಿದೆ. ಮಲ್ಪೆ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.