765 ವಿದ್ಯಾರ್ಥಿಗಳು ಗೈರು

ಚಿಕ್ಕಬಳ್ಳಾಪುರ: ಜಿಲ್ಲಾದ್ಯಂತ ಎಸ್ಸೆಸ್ಸೆಲ್ಸಿ ಗಣಿತ ವಿಷಯಕ್ಕೆ ಶನಿವಾರ ನಡೆದ ಪರೀಕ್ಷೆಗೆ ಒಟ್ಟು ನೋಂದಾಯಿತ 17,375 ವಿದ್ಯಾರ್ಥಿಗಳ ಪೈಕಿ 16,610 ವಿದ್ಯಾರ್ಥಿಗಳು ಮಾತ್ರ ಪರೀಕ್ಷೆ ಬರೆದಿದ್ದು, ಉಳಿದ 765 ವಿದ್ಯಾರ್ಥಿಗಳು ಪರೀಕ್ಷೆ  ಯಿಂದ ದೂರ ಉಳಿದಿದ್ದರು. ಹೆಣ್ಣು ಮಕ್ಕಳಿಗಿಂತ ಗಂಡು ಮಕ್ಕಳೇ ಹೆಚ್ಚಿನ ಸಂಖ್ಯೆಯಲ್ಲಿ ಪರೀಕ್ಷೆಗೆ ಗೈರಾಗಿದ್ದರು.

ಎಸ್ಸೆಸ್ಸೆಲ್ಸಿ ಪರೀಕ್ಷೆಗೆ ಹೊಸದಾಗಿ ನೋಂದಾಯಿತಗೊಂಡಿದ್ದ 8,167 ಬಾಲಕರು, 7,711 ಬಾಲಕಿಯರು ಸೇರಿ ಒಟ್ಟು 15,  878 ಪೈಕಿ 7.806 ಬಾಲಕರು ಹಾಗೂ 7,462 ಬಾಲಕಿಯರು ಸೇರಿ ಒಟ್ಟು 15,268 ವಿದ್ಯಾರ್ಥಿಗಳು ಪರೀಕ್ಷೆ ಬರೆದು ಉಳಿದ 610 ವಿದ್ಯಾರ್ಥಿಗಳು ಗೈರಾದರೆ, ಪುನರಾವರ್ತಿತ 1,015 ರಲ್ಲಿ 929 ವಿದ್ಯಾರ್ಥಿಗಳು ಪರೀಕ್ಷೆ ಬರೆದು 86 ಮಂದಿ  ಗೈರಾಗಿದ್ದರು.

ಒಟ್ಟು ನೋಂದಾಯಿತ 294 ಖಾಸಗಿ ಹೊಸ ವಿದ್ಯಾರ್ಥಿಗಳ ಪೈಕಿ 254 ಮಂದಿ ಪರೀಕ್ಷೆ ಬರೆದು ಉಳಿದ 40 ವಿದ್ಯಾರ್ಥಿಗಳು ಗೈರಾದರೆ, ಖಾಸಗಿ ಪುನರಾವರ್ತಿತ ಒಟ್ಟು 188 ವಿದ್ಯಾರ್ಥಿಗಳ ಪೈಕಿ 159 ಮಂದಿ ಪರೀಕ್ಷೆ ಬರೆದು  ಉಳಿದ 29 ಮಂದಿ ಗೈರಾಗಿದ್ದರು. ಈ ಸಂಬಂಧ ಡಿಡಿಪಿಐ ಎಸ್‌.ಜಿ.ನಾಗೇಶ್‌ ಮಾಹಿತಿ ನೀಡಿದರು. ಪರೀಕ್ಷಾ ಕೇಂದ್ರಗಳಲ್ಲಿ ಎಂದಿನಂತೆ ಕೋವಿಡ್‌-19 ತಡೆಯಲು ಅಗತ್ಯ ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಳ್ಳಲಾಗಿತ್ತು.