ಮಸಾಲೆ ಕಮ್ಮಿ ಇರುವ ಊಟ ಕೊಡಿ: ಲಾಲು

ಹೊಸದಿಲ್ಲಿ: ರೈಲ್ವೆ ಇಲಾಖೆಯ ಎರಡು ಹೋಟೆಲ್‌ಗ‌ಳಿಗೆ ಸಂಬಂಧಿಸಿದಂತೆ ಮಾಜಿ ಸಚಿವ ಲಾಲು ಪ್ರಸಾದ್‌ ಯಾದವ್‌ರನ್ನು ಸಿಬಿಐ ಏಳು ತಾಸು ವಿಚಾರಣೆಗೆ ಒಳಪಡಿಸಿತು. 

ಈ ಸಂದರ್ಭದಲ್ಲಿ ತಮಗೆ ಮಸಾಲೆ ಪದಾರ್ಥಗಳು ಕಡಿಮೆ ಇರುವ ಊಟ ನೀಡಬೇಕೆಂದು ಮನವಿ ಮಾಡಿದ್ದಾರೆ. ಜೀರಾ ರೈಸ್‌, ಅಲೂ ಚೋಖಾ ಮತ್ತು ದಾಲ್‌ ಕೊಡುವಂತೆ ಆರ್‌ಜೆಡಿಯ ಅಧ್ಯಕ್ಷ ಮನವಿ ಮಾಡಿದರು. ವಿಚಾರಣೆಗೆ ಹಾಜರಾಗುವ ನಿಟ್ಟಿನಲ್ಲಿ ಗುರುವಾರ ಬೆಳಗ್ಗೆ 10.40ರ ಸುಮಾರಿಗೆ ಸಿಬಿಐ ಕಚೇರಿಗೆ ಆಗಮಿಸಿದರು. ಐವರು ಅಧಿಕಾರಿಗಳ ತಂಡ 2006ರಲ್ಲಿ ನಡೆದಿತ್ತು ಎಂದು ಹೇಳಲಾಗಿರುವ ಅವ್ಯವಹಾರ ಆರೋಪಕ್ಕೆ ಸಂಬಂಧಿಸಿ ಮಾಹಿತಿ ಪಡೆದುಕೊಂಡಿತು.