ಹೂಗ್ಲಿ : ಬಸ್ಸು ಕಾಲುವೆಗೆ ಉರುಳಿ 6 ಸಾವು, 20 ಮಂದಿಗೆ ಗಾಯ

ಹೂಗ್ಲಿ, ಪಶ್ಚಿಮ ಬಂಗಾಲ : ಹೂಗ್ಲಿ ಜಿಲ್ಲೆಯ ಹರಿಪಾಲ್‌ ಎಂಬಲ್ಲಿ ಪ್ರಯಾಣಿಕರ ಬಸ್ಸೊಂದು ಕಾಲುವೆಗೆ ಉರುಳಿ ಬಿದ್ದ ದುರಂತದಲ್ಲಿ  ಆರು ಮಂದಿ ಮೃತಪಟ್ಟು ಇತರ ಕನಿಷ್ಠ 20 ಮಂದಿ ಗಾಯಗೊಂಡಿರುವುದಾಗಿ ವರದಿಗಳು ತಿಳಿಸಿವೆ.

ಕೋಲ್ಕತಕ್ಕೆ ಹೋಗುತ್ತಿದ್ದ ಬಸ್ಸು ಗೋಜರಮೋರೆ ಎಂಬಲ್ಲಿಗೆ ಸಮೀಪ ದಕಾತಿಯಾ ಖಾಲ್‌ ಎಂಬಲ್ಲಿನ ಕಾಲುವೆಗೆ ಇಂದು ಮಂಗಳವಾರ ಬೆಳಗ್ಗೆ 9 ಗಂಟೆಗೆ  ಉರಿ ಬಿತ್ತು ಎಂದು ಎಸ್‌ಪಿ ಸುಕೇಶ್‌ ಜೈನ್‌ ಹೇಳಿದ್ದಾರೆ. 

ಸ್ಥಳೀಯರು ಮತ್ತು ಪೊಲೀಸರು ಜತೆಗೂಡಿ ರಕ್ಷಣಾ ಕಾರ್ಯ ಕೈಗೊಂಡರು. ಗಾಯಾಳುಗಳನ್ನು ಹರಿಪಾಲ್‌ ಆಸ್ಪತ್ರೆಗೆ ಸೇರಿಸಲಾಗಿದೆ.