6 ಸುಧಾರಿತ ಸಬ್‌ಮರಿನ್‌ಗಳ ನಿರ್ಮಾಣ ಪ್ರಕ್ರಿಯೆ ಆರಂಭ

ಹೊಸದಿಲ್ಲಿ: ಭಾರತೀಯ ನೌಕಾ ಪಡೆಯಲ್ಲಿ ಮಹತ್ವದ ಕ್ರಮವಾಗಿ 6 ಸುಧಾರಿತ ಜಲಾಂತರ್ಗಾಮಿಗಳನ್ನು ನಿರ್ಮಾಣ ಮಾಡುವ ಪ್ರಕ್ರಿಯೆಗೆ ಚಾಲನೆ ನೀಡಲಾಗಿದೆ.

45 ಸಾವಿರ ಕೋಟಿ ರೂ. ವೆಚ್ಚದ ಈ ಯೋಜನೆ ಅಡಿಯಲ್ಲಿ ವಿದೇಶಿ ರಕ್ಷಣಾ ಕಂಪನಿಗಳ ಸಹಭಾಗಿತ್ವದಲ್ಲಿ ಮುಂಬೈನ ಮಜಗಾಂವ್‌ ಡಾಕ್‌ ಶಿಪ್‌ಬಿಲ್ಡರ್ಸ್‌ ಕಂಪೆನಿಯು ನಿರ್ಮಾಣ ಮಾಡಲಿದೆ. ಇದಕ್ಕೆ ಅದಾನಿ ಡಿಫೆನ್ಸ್‌, ಎಲ್‌ ಆ್ಯಂಡ್‌ ಟಿ ಕೂಡ ಸಹಭಾಗಿತ್ವ ಸಾಧಿಸಿದೆ. ಈ ಹಡಗುಗಳಿಗೆ ಸುಧಾರಿತ ಶಸ್ತ್ರಾಸ್ತ್ರಗಳು ಹಾಗೂ ಕ್ಷಿಪಣಿಗಳನ್ನೂ ಅಳವಡಿ ಸಲಾಗುತ್ತದೆ.

ಈ ಯೋಜನೆಗೆ ಪ್ರಾಜೆಕ್ಟ್ 75 ಎಂದು ಹೆಸರಿಸಲಾಗಿದೆ. ಈ ಸಬ್‌ಮರೀನ್‌ಗಳನ್ನು ಫ್ರೆಂಚ್‌ ಸಂಸ್ಥೆ ನಾವಲ್‌ ಗ್ರೂಪ್‌ ವಿನ್ಯಾಸ ಮಾಡಿದೆ. ಹಲವು ದಶಕಗಳಿಂದಲೂ ನನೆಗುದಿಗೆ ಬಿದ್ದಿದ್ದ ಈ ಯೋಜನೆಗೆ ಕಳೆದ ಜನವರಿಯಲ್ಲಿ ರಕ್ಷಣಾ ಸಚಿವಾಲಯ ಅನುಮೋದನೆ ನೀಡಿತ್ತು. ಇದೇ ರೀತಿಯ ಯೋಜನೆ ಅಡಿಯಲ್ಲಿ ಈ ಹಿಂದೆ 111 ಹೆಲಿಕಾಪ್ಟರು ಗಳನ್ನು 21 ಸಾವಿರ ಕೋಟಿ ರೂ. ವೆಚ್ಚದಲ್ಲಿ ಖರೀದಿಸಲು ನಿರ್ಧರಿಸಲಾಗಿತ್ತು.