Advertisement

24ಗಂಟೆಯಲ್ಲಿ 549 ಕೋವಿಡ್ ಪ್ರಕರಣ ಪತ್ತೆ, 49 ಸಾವಿರ ವೆಂಟಿಲೇಟರ್ಸ್ ಗೆ ಬೇಡಿಕೆ: ಸಚಿವಾಲಯ

09:10 AM Apr 10, 2020 | Nagendra Trasi |

ನವದೆಹಲಿ:ದೇಶದಲ್ಲಿ ಈವರೆಗೆ 5,734 ಕೋವಿಡ್ 19 ಸೋಂಕು ಪೀಡಿತರು ಪತ್ತೆಯಾಗಿದ್ದು, ಕಳೆದ 24 ಗಂಟೆಯಲ್ಲಿ 549 ಹೊಸ ಪ್ರಕರಣಗಳು ಹಾಗೂ 17 ಮಂದಿ ಸಾವನ್ನಪ್ಪಿದ್ದರು. ಒಟ್ಟು ದೇಶದಲ್ಲಿ ಕೋವಿಡ್ ಗೆ ಸಂಬಂಧಿಸಿದಂತೆ ಸಾವನ್ನಪ್ಪಿದವರ ಸಂಖ್ಯೆ 166ಕ್ಕೆ ಏರಿದೆ ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ ಗುರುವಾರ ತಿಳಿಸಿದೆ.

Advertisement

ಐಸಿಎಂಆರ್, ಆರೋಗ್ಯ ಸಚಿವಾಲಯದ ಜಂಟಿ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಲಾವ್ ಅಗರ್ವಾಲ್, ದೇಶದಲ್ಲಿ 5734 ಮಂದಿಗೆ ಕೋವಿಡ್ ಸೋಂಕು ತಗುಲಿರುವುದು ದೃಢಪಟ್ಟಿದೆ. ಕಳೆದ 24 ಗಂಟೆಯಲ್ಲಿ 549 ಹೊಸ ಪ್ರಕರಣಗಳು ಪತ್ತೆಯಾಗಿದೆ.ಈವರೆಗೆ 473 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಡಿಸ್ ಚಾರ್ಜ್ ಆಗಿರುವುದಾಗಿ ತಿಳಿಸಿದ್ದಾರೆ.

ಪಿಪಿಇ, ಮಾಸ್ಕ್, ವೆಂಟಿಲೇಟರ್ ಗಳು ತಯಾರಿಕೆ ಆರಂಭಗೊಂಡಿದ್ದು, ಸುಮಾರು 1.7 ಕೋಟಿ ಪಿಪಿಇಗಳನ್ನು ಪೂರೈಕೆ ಮಾಡುವಂತೆ ಆರ್ಡರ್ ನೀಡಲಾಗಿದೆ. ದೇಶೀಯ 20 ಉತ್ಪಾದಕರು ಪಿಪಿಇ ಅನ್ನು ತಯಾರಿಸುತ್ತಿದ್ದಾರೆ. ಅಲ್ಲದೇ 49 ಸಾವಿರ ವೆಂಟಿಲೇಟರ್ಸ್ ಗಳಿಗೆ ಆರ್ಡರ್ ನೀಡಲಾಗಿದೆ ಎಂದು ಅಗರ್ವಾಲ್ ತಿಳಿಸಿದರು.

ಭಾರತೀಯ ರೈಲ್ವೆ ಇಲಾಖೆಯ 5000 ಕೋಚ್ ಗಳನ್ನು ಐಸೋಲೇಶನ್ ಯೂನಿಟ್ ಗಳನ್ನಾಗಿ ಬಳಸಲಾಗುತ್ತಿದೆ. ಅಲ್ಲದೇ 80 ಸಾವಿರ ಐಸೋಲೇಶನ್ ಬೆಡ್ ಗಳಿಗೆ ಸಿದ್ಧತೆ ನಡೆಸಲಾಗುತ್ತಿದೆ. ಇದಕ್ಕಾಗಿ 5000 ಕೋಚ್ ಗಳನ್ನು ಐಸೋಲೇಶನ್ ಯೂನಿಟ್ ಗೆ ಬಳಸಲಿದ್ದು, ನಂತರ 3250 ಕೋಚ್ ಗಳನ್ನು ಮಾರ್ಪಡಿಲಾಗುವುದು ಎಂದು ಹೇಳಿದರು.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next