Pan masala ಪ್ಯಾಕ್‌ನ ಶೇ.50 ಜಾಗ ಎಚ್ಚರಿಕೆ ಬರಹವಿರಲಿ: ಹೈಕೋರ್ಟ್‌

ಹೊಸದಿಲ್ಲಿ: ಪಾನ್‌ ಮಸಾಲ ಪ್ಯಾಕೆಟ್‌ಗಳ ಮೇಲೆ 3 ಎಂಎಂ ಜಾಗದಲ್ಲಿ ಬರೆಯಲಾಗುತ್ತಿದ್ದ “ಆರೋಗ್ಯಕ್ಕೆ ಹಾನಿಕರ’ ಎನ್ನುವ ಎಚ್ಚರಿಕೆ ಬರಹವನ್ನು (ಶಾಸನ ವಿಧಿಸಿದ ಎಚ್ಚರಿಕೆ ಬರಹ) ಪ್ಯಾಕೆಟ್‌ನ ಶೇ.50ರಷ್ಟು ಜಾಗದವರೆಗೂ ವಿಸ್ತರಿಸುವ ಭಾರತೀಯ ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಪ್ರಾಧಿಕಾರ(ಎಫ್ಎಸ್‌ಎಸ್‌ಎಐ) ನಿರ್ಧಾರವನ್ನು ದಿಲ್ಲಿ ಹೈಕೋರ್ಟ್‌ ಎತ್ತಿ ಹಿಡಿದಿದೆ. 2022ರ ಅಕ್ಟೋಬರ್‌ನಲ್ಲಿ ಸಾರ್ವಜನಿಕ ಹಿತಾಸಕ್ತಿಯಿಂದ ಪಾನ್‌ ಮಸಾಲ ಪ್ಯಾಕೆಟ್‌ಗಳ ಮೇಲಿನ ಶೇ.50ರಷ್ಟು ಜಾಗದ ಪೂರ್ತಿ ಎಚ್ಚರಿಕೆ ಬರಹ ಪ್ರಕಟಿಸುವಂತೆ ಎಫ್ಎಸ್‌ಎಸ್‌ಎಐ ಉತ್ಪನ್ನದ ತಯಾರಕರಿಗೆ ಆದೇಶಿಸಿತ್ತು. ಇದನ್ನು ಪ್ರಶ್ನಿಸಿ ಉತ್ಪಾದಕ ಸಂಸ್ಥೆಗಳು ಅರ್ಜಿ ಸಲ್ಲಿಸಿದ್ದವು. ಅರ್ಜಿ ಯನ್ನು ಹೈಕೋರ್ಟ್‌ನ ಹಂಗಾಮಿ ಮುಖ್ಯ ನ್ಯಾ| ಮನಮೋಹನ್‌ ಪೀಠ ವಜಾಗೊಳಿಸಿದೆ.