ಬೆಳ್ತಂಗಡಿ : ಕುತೂಹಲ ಮೂಡಿಸಿದ 40 ವರ್ಷಗಳ ಹಳೆಯ 5 ಗ್ರೆನೇಡ್‌ಗಳು!

ಮಂಗಳೂರು : ಬೆಳ್ತಂಗಡಿಯ ಇಳಂತಿಲ ಗ್ರಾಾಮದಲ್ಲಿ ಶನಿವಾರ ಸಂಜೆ ಪತ್ತೆಯಾದ 5 ಗ್ರೆನೇಡ್‌ಗಳು ಸುಮಾರು 40 ವರ್ಷಗಳ ಹಿಂದೆ ಮಿಲಿಟರಿ ಕಾರ್ಖಾನೆಯಲ್ಲಿ ತಯಾರಾ ಗಿದ್ದು, ಇವು ಇಲ್ಲಿಗೆ ಹೇಗೆ ಬಂದವು ಎಂಬ ಬಗ್ಗೆೆ ತನಿಖೆ ನಡೆಸಲಾಗುವುದು ಎಂದು ದ.ಕ ಜಿಲ್ಲಾ ಎಸ್‌ಪಿ ಋಷಿಕೇಶ್ ಸೋನಾವಣೆ ಭಾನುವಾರ ತಿಳಿಸಿದ್ದಾಾರೆ.

ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಇವುಗಳನ್ನು 1979-83ರ ಅವಧಿಯಲ್ಲಿ ತಯಾರಿಸಿರುವುದು ಗೊತ್ತಾಗಿದೆ. ಇವು ಹ್ಯಾಂಡ್ ಹೆಲ್ಡ್ ಗ್ರೆೆನೇಡ್‌ಗಳಾಗಿದ್ದು ಇವುಗಳನ್ನು ಸೈನ್ಯದಲ್ಲಿ ಯುದ್ಧದ ಸಂದರ್ಭದಲ್ಲಿ ಮಾತ್ರ ಬಳಸಲಾಗುತ್ತದೆ. ಮಿಲಿಟರಿ ಅಧಿಕಾರಿಗಳೊಂದಿಗೆ ಮಾಹಿತಿ ಪಡೆದು ತನಿಖೆ ಮುಂದುವರಿಸಲಾಗುವುದು ತಿಳಿಸಿದರು.

ಇದನ್ನೂ ಓದಿ ಬೆಳ್ತಂಗಡಿಯಲ್ಲಿ ಐದು ಗ್ರೆನೇಡ್‌ಗಳು ಪತ್ತೆ: ನಿವೃತ್ತ ಸೇನಾಧಿಕಾರಿಯಿಂದ ದೂರು

ಎಲ್ಲಿಂದ ಬಂತು?
ಮಿಲಿಟರಿ ಫ್ಯಾಾಕ್ಟರಿಯಲ್ಲಿ ತಯಾರಾದ ಈ ಗ್ರೆೆನೇಡ್‌ಗಳನ್ನು ಸ್ಥಳೀಯವಾಗಿ ಬೇರೆ ಯಾವುದೇ ಉದ್ದೇಶಗಳಿಗೆ ಬಳಸುವುದು ಅಸಾಧ್ಯ ಎನ್ನಲಾಗುತ್ತಿದೆ. ಸದ್ಯ ಪೊಲೀಸರು ಬಾಂಬ್ ನಿಷ್ಕ್ರೀಯ ದಳದ ಉಪಸ್ಥಿತಿಯಲ್ಲಿ ಗ್ರೆೆನೇಡ್‌ಗಳನ್ನು ವಶಕ್ಕೆೆ ಪಡೆದಿದ್ದಾರೆ. ಅವುಗಳು ಈಗಲೂ ಬಳಕೆಗೆ ಯೋಗ್ಯವಾಗಿವೆಯೇ ಇಲ್ಲವೇ ಎಂಬುದನ್ನು ತಿಳಿಸಲಾಗದು ಎಂದು ಪೊಲೀಸರು ತಿಳಿಸಿದ್ದಾರೆ.