ಬಿಕಾನೇರ್‌ ಗಡಿಯಲ್ಲಿ ಐವರು ಶಂಕಿತರ ಬಂಧನ, 9.88 ಲಕ್ಷ ರೂ. ನಗದು ವಶ

ಬಿಕಾನೇರ್‌, ರಾಜಸ್ಥಾನ : ರಾಜಸ್ಥಾನದ ಬಿಕಾನೇರ್‌ ಜಿಲ್ಲೆಯಲ್ಲಿ ಭಾರತ-ಪಾಕ್‌ ಗಡಿ ಸಮೀಪ, ಗಡಿ ಭದ್ರತಾ ಪಡೆಯವರು ಶಂಕಾಸ್ಪದ ಸನ್ನಿವೇಶದಲ್ಲಿ ಐವರನ್ನು ಬಂಧಿಸಿರುವುದಾಗಿ ಅಧಿಕಾರಿಗಳು ಇಂದು ಸೋಮವಾರ ತಿಳಿಸಿದ್ದಾರೆ.

ಭಾನುವಾರ ರಾತ್ರಿ ಐವರು ಎಸ್‌ಯುವಿ ವಾಹನದಲ್ಲಿ ಭಾರತ-ಪಾಕ್‌ ಗಡಿ ಪ್ರದೇಶದಲ್ಲಿ ಶಂಕಾಸ್ಪದವಾಗಿ ಸಂಚರಿಸುತ್ತಿರುವುದು ಕಂಡು ಬಂತು.

ಆಗ ಬಿಎಸ್‌ಎಫ್ ಪಡೆಯುವರು ವಾಹನವನ್ನು ತಡೆದು ನಿಲ್ಲಿಸಿ ತಪಾಸಣೆ ಗೈದಾಗ 9.88 ಲಕ್ಷ ರೂ. ನಗದು ಪತ್ತೆಯಾಯಿತು. ಅಂತೆಯೇ ಶಂಕಿತ ಐವರನ್ನು ಬಂಧಿಸಿದರು ಎಂದು ಖಜುವಾಲಾ ಪೊಲೀಸ್‌ ಠಾಣೆ ಪ್ರಭಾರಾಧಿಕಾರಿ ವಿಕ್ರಂ ಸಿಂಗ್‌ ತಿಳಿಸಿದರು.

ಬಂಧಿತ ಸ್ಥಳೀಯರು ಸ್ಥಳೀಯ ನಿವಾಸಿಗಳೆಂದೂ ಅವರಲ್ಲಿ ಒಬ್ಟಾತ ಗುಜರಾತ್‌ ನಲ್ಲಿ ಕೆಲಸ ಮಾಡುತ್ತಿರುವವನೆಂದೂ ಪ್ರಾಥಮಿಕ ತನಿಖೆಯಲ್ಲಿ ಗೊತ್ತಾಯಿತು. ಬಂಧಿತರನ್ನು ಬಿಎಸ್‌ಎಫ್ ತನಿಖಾಧಿಕಾರಿಗಳೀಗ ಪ್ರಶ್ನಿಸುತ್ತಿದ್ದಾರೆ ಎಂದು ಅಧಿಕಾರಿ ತಿಳಿಸಿದ್ದಾರೆ.