BRICS: ಬ್ರಿಕ್ಸ್‌ಗೆ ಈಗ 5 ರಾಷ್ಟ್ರಗಳ ಸೇರ್ಪಡೆ

ಹೊಸದಿಲ್ಲಿ: ಉದೋಯೋನ್ಮುಖ ಆರ್ಥಿಕತೆಗಳಾದ ಬ್ರೆಜಿಲ್‌, ರಷ್ಯಾ, ಭಾರತ, ಚೀನ, ದಕ್ಷಿಣ ಆಫ್ರಿಕಾ ದೇಶಗಳ ಒಕ್ಕೂಟ ಬ್ರಿಕ್ಸ್‌ಗೆ ಹೊಸದಾಗಿ ಐದು ರಾಷ್ಟ್ರಗಳು ಸೇರ್ಪಡೆಯಾಗಿವೆ. ಈಜಿಪ್ಟ್‌, ಇಥಿಯೋಪಿಯಾ, ಇರಾನ್‌, ಸೌದಿ ಅರೇಬಿಯಾ ಮತ್ತು ಯುನೈಟೆಡ್‌ ಅರಬ್‌ ಎಮಿರೇಟ್ಸ್‌(ಯುಎಇ) ಬ್ರಿಕ್ಸ್‌ ಒಕ್ಕೂಟಕ್ಕೆ ಸೇರ್ಪಡೆಯಾಗಿದ್ದು, ಈ ದೇಶಗಳಿಗೆ ಪೂರ್ಣ ಸದಸ್ಯತ್ವ ನೀಡಲಾಗಿದೆ. ಪ್ರಸ್ತತ ಬ್ರಿಕ್ಸ್‌ ಅಧ್ಯಕ್ಷತೆ ಯನ್ನು ರಷ್ಯಾ ವಹಿಸಿಕೊಂಡಿದೆ.

ಈ ಕುರಿತು ಮಾತನಾಡಿದ ರಷ್ಯಾ ಅಧ್ಯಕ್ಷ ವ್ಲಾದಿಮಿರ್‌ ಪುತಿನ್‌, “ಇದೀಗ ಬ್ರಿಕ್ಸ್‌ ಒಕ್ಕೂಟವು 10 ರಾಷ್ಟ್ರಗಳ ಗುಂಪಾಗಿ ಮಾರ್ಪಟ್ಟಿದೆ. ನೂತನ ಸದಸ್ಯರಾಗಿ ಐದು ದೇಶಗಳು ಸೇರ್ಪಡೆಗೊಂಡಿವೆ’ ಎಂದು ತಿಳಿಸಿದ್ದಾರೆ.