4 ವರ್ಷದ ವೇತನವನ್ನು ಬೋನಸ್‌ ನೀಡಿದ ತೈವಾನ್‌!

ತೈಪೆ: ತೈವಾನ್‌ ಮೂಲದ ಶಿಪ್ಪಿಂಗ್‌ ಸಂಸ್ಥೆ ಎವರ್‌ಗ್ರೀನ್‌ ಮೆರೈನ್‌ ಕಾರ್ಪೋರೇಷನ್‌ ತನ್ನ ಉದ್ಯೋಗಿಗಳಿಗೆ 4 ವರ್ಷದ ವೇತನವನ್ನು ಬೋನಸ್‌ ಆಗಿ ನೀಡುವ ಮೂಲಕ ಉದ್ಯೋಗಿಗಳಿಗೆ ಹೊಸವರ್ಷದ ಟ್ರೀಟ್‌ ನೀಡಿದೆ.

ಕಳೆದ 2 ವರ್ಷದಲ್ಲಿ ಸಂಸ್ಥೆಯ ವಹಿವಾಟು ಹೆಚ್ಚಿದ್ದು, ಅಭೂತಪೂರ್ವ ಬೆಳವಣಿಗೆ ದಾಖಲಿಸಿದೆ. ಪ್ರತಿ ವರ್ಷಾಂತ್ಯದಲ್ಲಿ ಸಂಸ್ಥೆಯ ಬೆಳವಣಿಗೆ, ಕಾರ್ಮಿಕರ ಕಾರ್ಯಕ್ಷಮತೆಯನ್ನು ಪರಿಗಣಿಸಿ ವರ್ಷಾಂತ್ಯದ ಬೋನಸ್‌ ನೀಡಲಾಗುತ್ತಿದೆ.

ಈ ವರ್ಷವೂ ಬೋನಸ್‌ ನೀಡಿದ್ದು, ಅತ್ಯುತ್ತಮವಾಗಿ ಕಾರ್ಯನಿರ್ವಹಿಸಿರುವ ತನ್ನ ಕೆಲ ಸಿಬ್ಬಂದಿಗೆ 4 ವರ್ಷದ ವೇತನದಷ್ಟು ಮೊತ್ತವನ್ನು ಬೋನಸ್‌ ನೀಡಿರುವುದಾಗಿ ಸಂಸ್ಥೆ ತಿಳಿಸಿದೆ.

ಕೊರೊನಾ ಕಾಲದಲ್ಲಿ ಹೆಚ್ಚಾಗಿದ್ದ ಗ್ರಾಹಕ ಸರಕು ಸಾಗಣೆ ಬೇಡಿಕೆಯಿಂದ 2022ರಲ್ಲಿ ಕಂಪನಿಯ ಆದಾಯ 1.70 ಲಕ್ಷ ಕೋಟಿ ರೂ.ಗೆ ಏರಿದೆ. ಅಂದರೆ 2020ರ ಆದಾಯಕ್ಕಿಂತ 3 ಪಟ್ಟು ಹೆಚ್ಚಳವಾಗಿದೆ. ಈ ಹಿನ್ನೆಲೆ ಬೋನಸ್‌ ನೀಡಲಾಗಿದೆ ಎಂದು ಸಂಸ್ಥೆ ಮುಖ್ಯಸ್ಥರು ಹೇಳಿದ್ದಾರೆ.