ಹೊಸದಿಲ್ಲಿ : ಉಗ್ರ ಸಂಘಟನೆಗಳೊಂದಿಗೆ ನಂಟು ಹೊಂದಿರುವ ಆರೋಪದ ಮೇಲೆ ಕನಿಷ್ಠ ನಾಲ್ಕು ವಿದ್ಯಾರ್ಥಿಗಳನ್ನು ಪೊಲೀಸರು ಜಾಲಂಧರದಲ್ಲಿ ಬಂಧಿಸಿದ್ದಾರೆ.
ಬಂಧಿತ ವಿದ್ಯಾರ್ಥಿಗಳನ್ನು ಝಹೀದ್‌ ಗುಲ್‌ಜಾರ್‌, ಮೊಹಮ್ಮದ್‌ ಇದ್ರಿಸ್‌ ಶಾ, ನದೀಮ್‌ ಮತ್ತು ಯೂಸುಫ್ ರಫೀಕ್‌ ಭಟ್‌ ಎಂದು ಗುರುತಿಸಲಾಗಿದೆ.
ಪಂಜಾಬ್‌ ಮತ್ತು ಜಮ್ಮು-ಕಾಶ್ಮೀರ ಪೊಲೀಸರು ಜಂಟಿಯಾಗಿ ನಡೆಸಿರುವ ಈ ಕಾರ್ಯಾಚರಣೆಯಲ್ಲಿ ಅಪಾರ ಪ್ರಮಾಣದ ಶಸ್ತ್ರಾಸ್ತ್ರ, ಮದ್ದುಗುಂಡು ಮತ್ತು ಸ್ಫೋಟಕಗಳನ್ನು ವಶಪಡಿಕೊಳ್ಳಲಾಗಿದೆ.
ಬಂಧಿತ ವಿದ್ಯಾರ್ಥಿಗಳಿಗೆ ಅನ್ಸಾರ್‌ ಗಝವತ್‌ ಉಲ್‌ ಹಿಂದ್‌ ಮತ್ತು ಜೈಶ್‌ ಎ ಮೊಹಮ್ಮದ್‌ (ಜೆಇಎಂ) ಉಗ್ರ ಸಂಘಟನೆಗಳೊಂದಿಗೆ ನಂಟಿರುವುದು ಗೊತ್ತಾಗಿದೆ ಎಂದು “ದಿ ಕಾಶ್ಮೀರ್‌ ಮಾನಿಟರ್‌’ ವರದಿ ಮಾಡಿದೆ.
Related Articles
ಜಮ್ಮು ಕಾಶ್ಮೀರದ ಈ ಜಾಲದ ನಿರ್ವಾಹಕನನ್ನು ಕೂಡ ಬಂಧಿಸಿದ್ದು ಆತನನ್ನು ಈಗ ತೀವ್ರವಾಗಿ ಪ್ರಶ್ನಿಸಲಾಗುತ್ತಿದೆ.
ಜಮ್ಮು ಕಾಶ್ಮೀರ ಪೊಲೀಸರು ಟ್ವಿಟರ್‌ನಲ್ಲಿ ಈ ದಾಳಿ ಕಾರ್ಯಾಚರಣೆ, ಬಂಧನ ಇತ್ಯಾದಿಗಳನ್ನು ದೃಢೀಕರಿಸಿದ್ದಾರೆ.
ಪೊಲೀಸರ ಈ ಜಂಟಿ ದಾಳಿಯು ಇಂದು ಬುಧವಾರ ನಸುಕಿನ ವೇಲೆ ನಡೆದಿದ್ದು ಸುಮಾರು 90 ಪೊಲೀಸರು ಇದರಲ್ಲಿ ಭಾಗಿಯಾಗಿದ್ದಾರೆ.