ತಿನಸಿನಂಗಡಿ ಮೇಲೆ ಉರುಳಿ ಬಿದ್ದ ಟ್ರಕ್‌: ಒಂದೇ ಕುಟುಂಬದ ನಾಲ್ವರ ಸಾವು

ಲಖೀಂಪುರ ಖೇರಿ, ಉತ್ತರ ಪ್ರದೇಶ : ಇಂದು ಬೆಳಗ್ಗೆ ಇಲ್ಲಿನ ಸಿಸೈಯಾ ಕ್ರಾಸಿಂಗ್‌ನಲ್ಲಿ ರಸ್ತೆ ಬದಿ ಇದ್ದ ತಿನಸಿನಂಗಡಿಯ ಮೇಲೆ ವೇಗವಾಗಿ ಧಾವಿಸಿ ಬಂದ ಟ್ರಕ್‌ ಒಂದು ಅಡಿ ಮೇಲಾಗಿ ಮಗುಚಿ ಬಿದ್ಧ  ಭೀಕರ ಅವಘಡದಲ್ಲಿ ಮೂರು ವರ್ಷ ಪ್ರಾಯದ ಹೆಣ್ಣು ಮಗು ಸಹಿತ ಒಂದೇ ಕುಟುಂಬದ ನಾಲ್ವರು ಮೃತಪಟ್ಟ ಘಟನೆ ವರದಿಯಾಗಿದೆ. 

ಮೃತರನ್ನು ಬದಲೂ (70), ಆತನ ಪುತ್ರಿ ನಜೀಮಾ (35), ಮೊಮ್ಮಗಳು ಮಾಹೇಕ್‌ (3) ಮತ್ತು ರೂಬಿ (18) ಎಂದು ಗುರುತಿಸಲಾಗಿದೆ. ಬದಲೂ ಅವರು ಸಿಸೈಯಾ ಕ್ರಾಸಿಂಗ್‌ನಲ್ಲಿ ತಿನಸಿನಂಗಡಿ ವ್ಯಾಪಾರ ಮಾಡಿಕೊಂಡಿದ್ದರು. 

ವೇಗವಾಗಿ ಧಾವಿಸಿ ಬಂದು ಅಡಿಮೇಲಾಗಿ ತಿನಸಿನಂಗಡಿಯ ಮೇಲೆ ಉರುಳಿ ಬಿದ್ದ ಪರಿಣಾಮವಾಗಿ ಎಲ್ಲ ನಾಲ್ಕು ಮಂದಿ ಸ್ಥಳದಲ್ಲೇ ಮೃತಪಟ್ಟರು. 

ಟ್ರಕ್‌ ಚಾಲಕನ ಅತಿಯಾದ ವೇಗ ಮತ್ತು ನಿರ್ಲಕ್ಷ್ಯದ ಚಾಲನೆಯೇ ಈ ಭೀಕರ ಅವಘಡಕ್ಕೆ ಕಾರಣವೆಂದು ಪೊಲೀಸರು ತಿಳಿಸಿದ್ದಾರೆ. ಟ್ರಕ್‌ ಚಾಲಕನನ್ನು ಪೊಲೀಸರು ಬಂಧಿಸಿದ್ದಾರೆ.