4.42 ಲಕ್ಷ ಕೋಟಿ ರೂ. ಕ್ರೋಡೀಕರಣ: ಕೇಂದ್ರ

ಹೊಸದಿಲ್ಲಿ: 2019-20ರ ಹಣಕಾಸು ವರ್ಷದ ಮೊದಲ 6 ತಿಂಗಳುಗಳಲ್ಲಿ ಮಾರುಕಟ್ಟೆಯಿಂದ ಅಂದಾಜು 4.42 ಲಕ್ಷ ಕೋ.ರೂ.ಗಳನ್ನು ಕ್ರೋಡೀಕರಿಸುವುದಾಗಿ ಕೇಂದ್ರ ಹಣಕಾಸು ಸಚಿವಾಲಯ ಶುಕ್ರವಾರ ಪ್ರಕಟಿಸಿದೆ.

ಈ ಕುರಿತಂತೆ ವಿವರಣೆ ನೀಡಿದ ಆರ್ಥಿಕ ವ್ಯವಹಾರಗಳ ಕಾರ್ಯದರ್ಶಿ ಸುಭಾಷ್‌ ಚಂದ್ರ ಗಾರ್ಗ್‌, 2019-20ರ ಹಣಕಾಸು ವರ್ಷದ ಎಪ್ರಿಲ್‌- ಸೆಪ್ಟಂಬರ್‌ ಅವಧಿಯಲ್ಲಿ ದೇಶಾದ್ಯಂತ ವಿತರಣೆಯಾಗಿರುವ ದೀರ್ಘಾವಧಿ ಬಾಂಡ್‌ಗಳ ಆಧಾರದ ಮೇಲೆ ಮಾರುಕಟ್ಟೆಯಿಂದ 4.42 ಲಕ್ಷ ಕೋ. ರೂ.ಗಳಷ್ಟು ಹಣವನ್ನು ಸಾಲವಾಗಿ ಪಡೆದು ಕ್ರೋಡೀಕರಿಸುವುದಾಗಿ ತಿಳಿಸಿದ್ದಾರೆ. ಇದೇ ವೇಳೆ, 2018-19ರ ತೃತೀಯ ತ್ತೈಮಾಸಿಕದಲ್ಲಿ ಒಟ್ಟು ರಾಷ್ಟ್ರೀಯ ಉತ್ಪನ್ನಕ್ಕೆ (ಜಿಡಿಪಿ) ಹೋಲಿಸಿದಲ್ಲಿ ದೇಶದ ಚಾಲ್ತಿ ಖಾತೆ ಕೊರತೆಯು ಶೇ. 2.5ರಷ್ಟಿದೆ ಎಂದು ಆರ್‌ಬಿಐ ಹೇಳಿದೆ. ರಫ್ತು ಮತ್ತು ಆಮದು ನಡುವಿನ ಅಂತರವನ್ನು ಚಾಲ್ತಿ ಖಾತೆ ಕೊರತೆ ಎಂದು ಕರೆಯಲಾಗುತ್ತದೆ.