ನವದೆಹಲಿ: ಈ ವರ್ಷದ ನವೆಂಬರ್‌ ಮತ್ತು ಡಿಸೆಂಬರ್‌ನಲ್ಲಿ ಸಾಲು ಸಾಲು ಮದುವೆಗಳು ನಿಗದಿಯಾಗಿವೆ. ಅಖೀಲ ಭಾರತ ವ್ಯಾಪಾರಿಗಳ ಒಕ್ಕೂಟದ ಸರ್ವೆ ಪ್ರಕಾರ, ನ.23ರಿಂದ ಡಿ.15ರವರೆಗೆ ದೇಶಾದ್ಯಂತ ಅಂದಾಜು 35 ಲಕ್ಷಕ್ಕೂ ಅಧಿಕ ಮದುವೆಗಳು ನಡೆಯಲಿವೆ. ಈ 23 ದಿನಗಳ ಅವಧಿಯಲ್ಲಿ ಮದುವೆ ಸಂಬಂಧಿತ ಖರೀದಿ ಮತ್ತು ಸೇವೆಗಳಿಂದ ಒಟ್ಟು 4.35 ಲಕ್ಷ ಕೋಟಿ ರೂ. ವಹಿವಾಟು ನಡೆಯಲಿದೆ ಎಂದು ಅಂದಾಜಿಸಲಾಗಿದೆ.
ಈ ಅವಧಿಯಲ್ಲಿ ನವದೆಹಲಿಯಲ್ಲೇ ಮೂರೂವರೆ ಲಕ್ಷಕ್ಕೂ ಅಧಿಕ ವಿವಾಹಗಳು ನಿಗದಿಯಾಗಿವೆ. ಇದರಿಂದ 1 ಲಕ್ಷ ಕೋಟಿ ರೂ. ವಹಿವಾಟು ನಡೆಯುವ ಅಂದಾಜಿದೆ.
ಕಳೆದ ವರ್ಷ ಈ ಅವಧಿಯಲ್ಲಿ ದೇಶದಲ್ಲಿ 32 ಲಕ್ಷ ವಿವಾಹಗಳು ಏರ್ಪಟ್ಟಿದ್ದವು. ಮದುವೆ ಸಂಬಂಧಿತ ಖರೀದಿ ಮತ್ತು ಸೇವೆಗಳಿಂದ 3.75 ಲಕ್ಷ ಕೋಟಿ ರೂ. ವಹಿವಾಟು ನಡೆದಿದ್ದವು.
