36 ರೈಲುಗಳಲ್ಲಿ ಸ್ಯಾನಿಟರಿ ನ್ಯಾಪ್ಕಿನ್‌ ಯಂತ್ರ

ಹೊಸದಿಲ್ಲಿ:ರೈಲುಗಳಲ್ಲಿ ನೈರ್ಮಲ್ಯ ಕಾಪಾಡುವ ಉದ್ದೇಶ ದಿಂದ ಈಸ್ಟ್‌ ಕೋಸ್ಟ್‌ ರೈಲ್ವೆಯು 36 ರೈಲುಗಳಲ್ಲಿ 91 ಸ್ಯಾನಿಟರಿ ನ್ಯಾಪ್ಕಿನ್‌ ವಿತರಣಾ ಯಂತ್ರಗಳನ್ನು ಅಳವಡಿಸಿದೆ. ಪುರಿ, ಭುವನೇಶ್ವರ ಮತ್ತು ವಿಶಾಖಪಟ್ಟಣ ದಿಂದ ಹೊರಡುವ ರೈಲುಗಳಲ್ಲಿ ಇವುಗಳನ್ನು ಅಳವಡಿಸಲಾಗಿದೆ. ಈ ಪೈಕಿ ಪುರಿ-ದುರ್ಗ ಎಕ್ಸ್‌ಪ್ರೆಸ್‌, ಜನಶತಾಬ್ದಿ ಎಕ್ಸ್‌ಪ್ರೆಸ್‌, ಬೆಂಗಳೂರು ಕಂಟೋನ್ಮೆಂಟ್ ಎಕ್ಸ್‌ಪ್ರೆಸ್‌ ರೈಲುಗಳೂ ಸೇರಿದ್ದು, ಪ್ರಮುಖ ರೈಲು ನಿಲ್ದಾಣಗಳಲ್ಲೂ ಯಂತ್ರಗಳನ್ನು ಅಳವಡಿಸಲಾಗಿದೆ ಎಂದು ರೈಲ್ವೆ ಇಲಾಖೆ ತಿಳಿಸಿದೆ. ಪ್ರತಿ ನ್ಯಾಪ್ಕಿನ್‌ಗೆ 5 ರೂ.ಗಳಂತೆ ದರ ನಿಗದಿಗೊಳಿಸಲಾಗಿದೆ. 5 ರೂ. ನಾಣ್ಯವನ್ನು ಯಂತ್ರದೊಳಕ್ಕೆ ಹಾಕಿದರೆ, ನ್ಯಾಪ್ಕಿನ್‌ ಲಭ್ಯವಾಗಲಿದೆ ಎಂದು ಇಲಾಖೆ ತಿಳಿಸಿದೆ.