ಅಮರನಾಥ ಯಾತ್ರೆ : 27 ವರ್ಷಗಳಲ್ಲಿ 36 ದಾಳಿ, 53 ಯಾತ್ರಿಕರ ಸಾವು

ಹೊಸದಿಲ್ಲಿ : ಕಳೆದ 27 ವರ್ಷಗಳಲ್ಲಿ ಅಮರನಾಥ ಯಾತ್ರೆಯ ಮೇಲೆ 36 ದಾಳಿಗಳು ನಡೆದಿವೆ ಮತ್ತು 53 ಯಾತ್ರಿಕರು ಹತರಾಗಿದ್ದಾರೆ ಎಂದು ಲೋಕಸಭೆಗಿಂದು ತಿಳಿಸಲಾಯಿತು. 

ಲಿಖೀತ ಪ್ರಶ್ನೆಯೊಂದಕ್ಕೆ ಉತ್ತರಿಸುತ್ತಾ ಕೇಂದ್ರ ಸಹಾಯಕ ಗೃಹ ಸಚಿವ ಹಂಸರಾಜ್‌ ಆಹಿರ್‌ ಅವರು, “1990ರಿಂದ ಈ ತನಕ ಅಮರನಾಥ ಯಾತ್ರೆಯ ಮೇಲೆ 36 ಉಗ್ರ ದಾಳಿಗಳು ನಡೆದಿವೆ ಮತ್ತು 53 ಮಂದಿ ಯಾತ್ರಿಕರು ಹತರಾಗಿದ್ದಾರೆ ಹಾಗೂ 167 ಯಾತ್ರಿಕರು ಗಾಯಗೊಂಡಿದ್ದಾರೆ’ ಎಂದು ಹೇಳಿದರು.