Property; ಸಿರಿ ಸಂಪತ್ತಿನ ಒಡತಿ: ಥಾಯ್ಲೆಂಡ್‌ ಪ್ರಧಾನಿ ಆಸ್ತಿಯೆಷ್ಟು ಗೊತ್ತೇ?

ಹೊಸದಿಲ್ಲಿ: ಇನ್ನೂರು ಡಿಸೈನರ್‌ ಕೈಚೀಲಗಳು, 75ಕ್ಕೂ ಹೆಚ್ಚು ಕೈಗಡಿಯಾರಗಳು, ವಿದೇಶಗಳಲ್ಲಿ ಆಸ್ತಿ. ಇವೆಲ್ಲವೂ ಥಾಯ್ಲೆಂಡ್‌ ಪ್ರಧಾನಿ ಪೇಟೊಂಗ್ಟರ್ನ್ ಶಿನವಾತ್ರ ಅವರ ಬಳಿ ಇರುವ ಆಸ್ತಿ. ಒಟ್ಟು 34 ಸಾವಿರ ಕೋಟಿ ರೂ.ಗೂ ಅಧಿಕ ಮೌಲ್ಯದ ಆಸ್ತಿಯನ್ನು ಪೇಟೊಂಗ್ಟರ್ನ್ ಘೋಷಿಸಿಕೊಂಡಿದ್ದಾರೆ. ಅವರ ಬಳಿಯಿರುವ ಐಷಾರಾಮಿ ವಸ್ತುಗಳ ಪಟ್ಟಿಯು ಹಿಂದೆ ತಮಿಳುನಾಡು ಸಿಎಂ ಆಗಿದ್ದ ಜಯಲಲಿತಾ ಅವರನ್ನು ನೆನಪಿಸುತ್ತದೆ. ಜಯಲಲಿತಾ ಅವರ ಒಟ್ಟು ಆಸ್ತಿ 364 ಕೋಟಿ ರೂ.ಗೂ ಅಧಿಕ ಎನ್ನಲಾಗುತ್ತಿದೆ.

ಅವರು ಜಪಾನ್‌, ಲಂಡನ್‌ ಸಹಿತ ಹಲವು ದೇಶಗಳಲ್ಲಿ ಆಸ್ತಿ ಹೊಂದಿದ್ದಾರೆ. 2.72 ಸಾವಿರ ಕೋಟಿ (3.18 ಲಕ್ಷ ಡಾಲರ್‌) ಹೂಡಿಕೆ ಮಾಡಿದ್ದಾರೆ. ಜತೆಗೆ ನಗದು ರೂಪದಲ್ಲಿ ಅವರ ಬಳಿ 2.72 ಕೋಟಿ ರೂ. (3.18 ಲಕ್ಷ ಡಾಲರ್‌) ಇದೆ ಎಂದು ಘೋಷಿಸಿದ್ದಾರೆ. ಮಾಜಿ ಪ್ರಧಾನಿ ಥಾಕ್ಸಿನ್‌ ಶಿನವಾತ್ರ ಅವರ ಪುತ್ರಿಯಾಗಿರುವ ಪೇಟೊಂಗ್ಟರ್ನ್ ಕಳೆದ ಸೆಪ್ಟಂಬರ್‌ನಲ್ಲಿ ಪ್ರಧಾನಿಯಾಗಿ ಅಧಿಕಾರ ಸ್ವೀಕರಿಸಿದ್ದರು.