30,000 ರೂ. ಮೇಲ್ಪಟ್ಟ ವಹಿವಾಟಿಗೂ ಪಾನ್‌?

ನವದೆಹಲಿ: ನಗದು ವ್ಯವಹಾರದ ವೇಳೆ ಪಾನ್‌ ಕಾರ್ಡ್‌ ನೀಡುವ ಮಿತಿಯನ್ನು ಇದುವರೆಗೆ 50,000 ರೂ.ಗೆ ನಿಗದಿಪಡಿಸಲಾಗಿತ್ತು. ಇನ್ನು ಮುಂದೆ ಅದನ್ನು ಇನ್ನೂ ತಗ್ಗಿಸಿ 30,000 ರೂ.ಗಿಳಿಸಲು ಆರ್‌ಬಿಐ ಚಿಂತಿಸಿದೆ ಎಂದು ಕೆಲ ವರದಿಗಳು ಹೇಳಿವೆ.

ಅಂದರೆ ಇದುವರೆಗೆ ಬ್ಯಾಂಕ್‌ನಲ್ಲಿ 50,000 ರೂ. ಮತ್ತು ಅದರ ಮೇಲಿನ ಮೊತ್ತವನ್ನು ವಹಿವಾಟು ನಡೆಸುವ ವೇಳೆ ಮಾತ್ರ ಪಾನ್‌ ಕಾರ್ಡ್‌ ವಿವರ ಕಡ್ಡಾಯವಾಗಿತ್ತು. ಇನ್ನು ಮುಂದೆ 30,000 ಸಾವಿರ ರೂ. ಮತ್ತು ಅದರ ಮೇಲಿನ ಮೊತ್ತದ ವಹಿವಾಟಿನ ವೇಳೆಯೂ ಪಾನ್‌ಕಾರ್ಡ್‌ ಮಾಹಿತಿ ನೀಡುವುದು ಕಡ್ಡಾಯವಾಗಬಹುದಾಗಿದೆ. ದೇಶದ ಜನರನ್ನು ನಗದು ರಹಿತ ವ್ಯವಸ್ಥೆಗೆ ಹೆಚ್ಚೆಚ್ಚು ತರಬೇಕು, ಅಂತರ್ಜಾಲದ ಮೂಲಕವೇ ವ್ಯವಹಾರ ನಡೆಯಬೇಕೆಂಬ ಆಶಯದ ಹಿನ್ನೆಲೆಯಲ್ಲಿ ಈ ನಿರ್ಧಾರಕ್ಕೆ ಆರ್‌ಬಿಐ ಮುಂದಾಗಿದೆ ಎನ್ನಲಾಗಿದೆ.