ಸಿಡ್ನಿ : ಭಾರತದ ಮುಂಚೂಣಿಯ ಶಟ್ಲರ್‌ ಕೆ ಶ್ರೀಕಾಂತ್‌ ಅವರಿಂದು ನಿರಂತರ ಮೂರನೇ ಬಾರಿಗೆ ಆಸ್ಟ್ರೇಲಿಯನ್‌ ಓಪನ್‌ ಸೂಪರ್‌ ಸೀರಿಸ್‌ ಫೈನಲ್‌ ಪ್ರವೇಶಿಸುವ ಮೂಲಕ ಹ್ಯಾಟ್ರಿಕ್‌ ಸಾಧಿಸಿದ್ದಾರೆ.
ಸೆಮಿಫೈನಲ್‌ ಪಂದ್ಯದಲ್ಲಿ ಶ್ರೀಕಾಂತ್‌ ಅವರು ಯೂಕಿ ಶೀ ಅವರನ್ನು 21-10, 21-14 ಸೆಟ್ಟುಗಳ ಅಂತರದಲ್ಲಿ ಸೋಲಿಸಿದರು.
ಶ್ರೀಕಾಂತ್‌ ಅವರು ಕೇವಲ 27 ನಿಮಿಷಗಳ ಒಳಗೆ ತಮ್ಮ ಈ ಸೆಮಿ ಫೈನಲ್‌ ಪಂದ್ಯವನ್ನು ಜಯಿಸಿರುವುದು ಇನ್ನೊಂದು ಸಾಧನೆಯಾಗಿದೆ. ಶ್ರೀಕಾಂತ್‌ ಅವರು ಈ ಹಿಂದೆ ಸಿಂಗಾಪುರ ಓಪನ್‌ ಮತ್ತು ಇಂಡೋನೇಶ್ಯ ಓಪನ್‌ನ ಫೈನಲ್‌ ತಲುಪಿದ ಸಾಧನೆ ಮಾಡಿದ್ದರು. ಸಿಂಗಾಪುರದಲ್ಲಿ ಅವರು ರನ್ನರ್‌ ಅಪ್‌ ಆಗಿದ್ದರೆ ಇಂಡೋನೇಶ್ಯದಲ್ಲಿ ಪ್ರಶಸ್ತಿ ಗೆದ್ದಿದ್ದರು.
ಶ್ರೀಕಾಂತ್‌ ಅವರ ಈ ಹಿಂದಿನ ಉತ್ಕೃಷ್ಟತೆ ಎಂದರೆ 2016ರ ಸೆಮಿ ಫೈನಲ್‌ ಪ್ರವೇಶ.
ಶ್ರೀಕಾಂತ್‌ ಅವರು ಅರ್ಹತಾ ಆಟಗಾರ ಶಾವೋ ಯೂ ಅವರನ್ನು ಸೋಲಿಸಿದ ಬಳಿಕ ವಿಶ್ವದ ನಂಬರ್‌ 1 ಆಟಗಾರ ಸನ್‌ ವಾನ್‌ ಹೋ ಅವರನ್ನು ಮತ್ತು ಪ್ರಣೀತ್‌ ಅವರನ್ನು ಅನುಕ್ರಮವಾಗಿ ಸೋಲಿಸಿದ್ದರು.
ಶ್ರೀಕಾಂತ್‌ ಅವರು ಈಗಿನ್ನು ಫೈನಲ್‌ ಪಂದ್ಯದಲ್ಲಿ ಚೀನದ ಚೆನ್‌ ಲಾಂಗ್‌ ಮತ್ತು ಕೊರಿಯದ ಲೀ ಹ್ಯೂನ್‌ ಇಲ್‌ ನಡುವಿನ ಸೆಮಿ ಫೈನಲ್‌ ಪಂದ್ಯದ ವಿಜೇತರನ್ನು ಎದುರಿಸುವರು.
