ಗುಜರಾತ್‌ನಲ್ಲಿ ಸಿಂಹಗಳ ಸಂಖ್ಯೆ ಶೇ.29ರಷ್ಟು ಏರಿಕೆ

ಅಹ್ಮದಾಬಾದ್‌: ಗುಜರಾತ್‌ನಲ್ಲಿ ಸಿಂಹಗಳ ಸಂಖ್ಯೆ ಏರಿಕೆಯಾಗಿದ್ದು, ಕಳೆದ ಐದು ವರ್ಷಗಳ ಅವಧಿಯಲ್ಲಿ ಶೇ.29 ರಷ್ಟು ಏರಿಕೆ ಕಂಡು ಬಂದಿದೆ. ರಾಜ್ಯದಲ್ಲಿ 2015ರ ಸಿಂಹ ಗಣತಿ ಪ್ರಕಾರ, 523 ಏಷಿಯಾಟಿಕ್‌ ಸಿಂಹಗಳು ಇರುವುದು ದೃಢಪಟ್ಟಿತ್ತು. ಸಿಂಹ ಗಣತಿ-2020ರ ಅಂಕಿ ಅಂಶಗಳ ಪ್ರಕಾರ, ಈ ಸಂಖ್ಯೆ 674ಕ್ಕೆ ತಲುಪಿದೆ. ಶೇ.29ರಷ್ಟು ಏರಿಕೆಯಾಗುವುದರೊಂದಿಗೆ 151 ಸಿಂಹ ಗಳು ಹೊಸದಾಗಿ ಕಂಡು ಬಂದಿವೆ ಎಂದು ತಿಳಿದು ಬಂದಿದೆ.
ಆದರೆ, ಈ ಅಂಕಿ ಅಂಶವನ್ನು ಗುಜರಾತ್‌ ಸರಕಾರ ಅಧಿಕೃತವಾಗಿ ಬಿಡುಗಡೆ ಮಾಡಿಲ್ಲ.

ಗುಜರಾತ್‌ನಲ್ಲಿ 30 ಸಾವಿರ ಚ.ಕಿ.ಮೀ. ವ್ಯಾಪ್ತಿಯನ್ನು ಸಿಂಹ ಸಂರಕ್ಷಣಾ ವಲಯ ಎಂದು ಘೋಷಿಸಲಾಗಿದೆ. 2018ರಲ್ಲಿ ಸಿಂಹಗಳಲ್ಲಿ ಕಂಡು ಬಂದಿದ್ದ ವೈರಸ್‌ ಪ್ರಮಾಣ ಗುಜರಾತ್‌ ಅರಣ್ಯದಲ್ಲಿ ಕ್ಷೀಣಿಸಿದೆ. ಮುಂದಿನ ಗಣತಿ ಹೊತ್ತಿಗೆ ಸಿಂಹಗಳ ಸಂಖ್ಯೆ ಒಂದು ಸಾವಿರದ ಗಡಿ ದಾಟುವ ಸಂಭವ ಇದೆ.