ನಿನ್ನೆ 135, ಇಂದು 266 ಪ್ರಕರಣ: ರಾಯಚೂರಿನಲ್ಲಿ ಏರುತ್ತಿದೆ ಸೋಂಕಿತರ ಸಂಖ್ಯೆ

ರಾಯಚೂರು: ಜಿಲ್ಲೆಯಲ್ಲಿ ಕೋವಿಡ್-19 ಪಾಸಿಟಿವ್ ಪ್ರಕರಣಗಳ ಸಂಖ್ಯೆ ಗಣನೀಯ ಪ್ರಮಾಣದಲ್ಲಿ ಏರಿಕೆ ಕಾಣುತ್ತಿದೆ. ಜಿಲ್ಲೆಯಲ್ಲಿ ಬುಧವಾರ 135 ಕೋವಿಡ್-19 ಪಾಸಿಟಿವ್ ದಾಖಲಾಗಿದ್ದರೆ ಗುರುವಾರ ಅದರ ದುಪ್ಪಟ್ಟು ಅಂದರೆ 266 ಕೋವಿಡ್ ಪಾಸಿಟಿವ್ ಪ್ರಕರಣ ದೃಢಪಟ್ಟಿವೆ.

ರಾಯಚೂರು ತಾಲೂಕಿನಲ್ಲಿ 137, ಸಿಂಧನೂರು ತಾಲೂಕಿನಲ್ಲಿ 47, ಮಾನ್ವಿ 43, ಲಿಂಗಸೂಗೂರು 33 ಹಾಗೂ ದೇವದುರ್ಗದಲ್ಲಿ 6 ಪ್ರಕರಣಗಳು ದೃಢಪಟ್ಟಿವೆ.

ಬುಧವಾರ ಕೂಡ ರಾಯಚೂರು ತಾಲೂಕಿನಲ್ಲಿ 100 ಪ್ರಕರಣ ದೃಢಪಟ್ಟಿತ್ತು. ಇಂದು ಮತ್ತೆ 137 ಪ್ರಕರಣಗಳು ದೃಢಪಟ್ಟಿವೆ. ಪ್ರಾಥಮಿಕ ಸಂಪರ್ಕದಿಂದಲೇ ಹೆಚ್ಚು ಸೋಂಕು ಹರಡುತ್ತಿದೆ. ಅನ್ ಲಾಕ್ 2 ಜಾರಿಯಾಗಿದ್ದು, ಜನಸಂಚಾರ ಹೆಚ್ಚಿರುವುದು ಸಾಕಷ್ಟು ಆತಂಕ ಮೂಡಿಸಿದೆ.