ಬಾಗ್ಧಾದ್‌ನಲ್ಲಿ ಅವಳಿ ಬಾಂಬ್‌ ದಾಳಿ: 26 ಸಾವು, 90 ಮಂದಿಗೆ ಗಾಯ

ಬಾಗ್ಧಾದ್‌ : ಬಾಗ್ಧಾದ್‌ ನಗರದಲ್ಲಿಂದು ಸಂಭವಿಸಿದ ಎರಡು ಭೀಕರ ಅತ್ಮಾಹುತಿ ಬಾಂಬ್‌ ದಾಳಿಗೆ 26 ಮಂದಿ ಬಲಿಯಾಗಿದ್ದಾರೆ. 

ಇರಾಕ್‌ ರಾಜಧಾನಿಯಲ್ಲಿ ಕಳೆದ ಮೂರೇ ದಿನಗಳಲ್ಲಿ ನಡೆದಿರುವ ಎರಡನೇ ಭೀಕರ ಬಾಂಬ್‌ ದಾಳಿ ಇದಾಗಿದೆ. 

ಪೂರ್ವ ಬಾಗ್ಧಾದಿನ ಆರೋಗ್ಯ ಇಲಾಖೆ ಮುಖ್ಯಸ್ಥರಾಗಿರುವ ಡಾ. ಅಬ್ಧೆàಲ್‌ ಘನೀ ಅಲ್‌ ಸಾದಿ ಅವರು ಈ ಭೀಕರ ಅವಳಿ ಬಾಂಬ್‌ ದಾಳಿಗಳಲ್ಲಿ 26 ಮಂದಿ ಮಡಿದು ಇತರ 90 ಮಂದಿ ಗಾಯಗೊಂಡಿರುವುದಾಗಿ ಹೇಳಿದ್ದಾರೆ. 

ನಗರದ ತಯಾರಾನ್‌ ಚೌಕದಲ್ಲಿ ಈ ಅವಳಿ ದಾಳಿಗಳು ನಡೆದಿವೆ. ಬೆಳಗ್ಗಿನ ಹೊತ್ತಿನಲ್ಲಿ ತಮ್ಮ ದಿನಗೂಲಿ ಕೆಲಸಕ್ಕಾಗಿ ಈ ಚೌಕದಲ್ಲಿ ಭಾರೀ ಸಂಖ್ಯೆಯ ಜನರು ಸೇರುತ್ತಾರೆ. ಬಾಂಬ್‌ ದಾಳಿಗೆ ಹೊತ್ತನ್ನೇ ಆಯ್ಕೆ ಮಾಡಲಾಗಿರುವುದರಿಂದ ಮೃತರ ಸಂಖ್ಯೆ ಹೆಚ್ಚಿದೆ.