ಮಾಲ್ಡಾ : ಬಾಡಿಗೆ ಮನೆಯಿಂದ 22 ಪಿಸ್ತೂಲು, 80,000 ನಕಲಿ ಕರೆನ್ಸಿ ವಶ

ಮಾಲ್ಡಾ, ಪಶ್ಚಿಮ ಬಂಗಾಲ : ಇಲ್ಲಿಗೆ ಸಮೀಪದ ನಲಡೂಬಿ ಪ್ರದೇಶದಲ್ಲಿನ ಬಾಡಿಗೆ ಮನೆಯೊಂದರಿಂದ 9 ಎಂಎಂ ನ 22 ಪಿಸ್ತೂಲುಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.

ಬಾಡಿಗೆ ಮನೆಯಲ್ಲಿದ್ದ  ಕೆಲವು ಅರೆ ಉತ್ಪಾದಿತವಾದವುಗಳು ಸೇರಿದಂತೆ 22 ಪಿಸ್ತೂಲುಗಳು, ಆರು ಲೇತ್‌ ಯಂತ್ರಗಳು ಮತ್ತು ಸುಮಾರು 80,000 ಖೋಟಾ ಕರೆನ್ಸಿಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸ್‌ ಸುಪರಿಂಟೆಂಡೆಂಟ್‌ ಅರ್ನಾಬ್‌ ಘೋಷ್‌ ತಿಳಿಸಿದ್ದಾರೆ.

ಬಿಹಾರದ ನಿವಾಸಿಯೋರ್ವರಿಗೆ ಸೇರಿದ ಈ ಮನೆಯನ್ನು ಮಾಲಕನು ಅಕ್ರಮ್‌ ಎಂಬಾತನಿಗೆ ಬಾಡಿಗೆಗೆ ಕೊಟ್ಟಿದ್ದರು. ಮನೆಯಲ್ಲಿದ್ದ ಮುಂಗೇರ್‌ನ 9 ಮಂದಿಯನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದಾರೆ. ಕೇಸು  ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ ಎಂದು ಘೋಷ್‌ ತಿಳಿಸಿದರು.