ಉಕ್ರೇನಿನ ಬಂದರಿನಲ್ಲಿ ಸಿಲುಕಿದ್ದಾರೆ 21 ಭಾರತೀಯ ನಾವಿಕರು

ಮುಂಬೈ: ಯುದ್ಧಪೀಡಿತ ಉಕ್ರೇನಿನ ಬಂದರು ಪ್ರದೇಶವಾದ ಮೈಕೊಲೈವ್‌ನಲ್ಲಿ ಭಾರತದ 21 ಮಂದಿ ಹಡಗು ಸಿಬ್ಬಂದಿ ಸಿಲುಕಿಕೊಂಡಿದ್ದಾರೆ. ಆದರೆ ಅಷ್ಟೂ ಮಂದಿ ಸುರಕ್ಷಿತವಾಗಿದ್ದಾರೆಂದು ಎಂವಿ ಮೇರಿಟೈಮ್‌ ನೌಕಾ ಸಂಸ್ಥೆ ಹೇಳಿದೆ.

ಆದರೂ ಸಾಧ್ಯವಾದಷ್ಟು ಬೇಗ ಈ ನೆಲೆಯಿಂದ ಹೊರಡಲು ಸಾಧ್ಯವಾಗದಿದ್ದರೆ, ಪರಿಸ್ಥಿತಿ ಬಿಗಡಾಯಿಸಬಹುದು ಎಂಬ ಆತಂಕವಂತೂ ಇದೆ. ಬರೀ ಮೇರಿಟೈಮ್‌ನ ಹಡಗು ಮಾತ್ರವಲ್ಲ, ಇತರೆ 24 ಹಡಗುಗಳು ಅತಂತ್ರಸ್ಥಿತಿಯಲ್ಲಿ ಮೈಕೊಲೈವ್‌ ಬಂದರಿನಲ್ಲಿ ಸಿಲುಕಿಕೊಂಡಿವೆ.

ಅದರಲ್ಲೂ ಭಾರತೀಯ ಸಿಬ್ಬಂದಿ ಇದ್ದಾರೆ. ಸದ್ಯದಲ್ಲೇ ಈ ಪ್ರದೇಶಕ್ಕೆ ರಷ್ಯಾ ಸೇನೆ ಬರುವ ಸಾಧ್ಯತೆಯಿದೆ, ಆಗ ಒಂದೆರಡು ಹಡಗುಗಳಿಗಾದರೂ ಹೊರಡಲು ಅನುಮತಿ ನೀಡಿದರೆ ಪರಿಸ್ಥಿತಿ ಸುಧಾರಿಸುತ್ತದೆ ಎಂದು ಮೇರಿಟೈಮ್‌ ಸಿಇಒ ಸಂಜಯ್‌ ಪ್ರಶರ್‌ ಹೇಳಿದ್ದಾರೆ.