Beijing ನಲ್ಲಿ 2027ರ ಟ್ರ್ಯಾಕ್‌ ಆ್ಯಂಡ್‌ ಫೀಲ್ಡ್‌  ಕೂಟ

ಮೊನಾಕೊ: ಮುಂಬರುವ 2027ರ ಟ್ರ್ಯಾಕ್‌ ಆ್ಯಂಡ್‌ ಫೀಲ್ಡ್‌ ವಿಶ್ವ ಚಾಂಪಿಯನ್‌ಶಿಪ್‌ ಆಯೋಜಿಸುವ ಹಕ್ಕನ್ನು ಬೀಜಿಂಗ್‌ಗೆ ನೀಡಲು ವಿಶ್ವ ಆ್ಯತ್ಲೆಟಿಕ್ಸ್‌ ಕೌನ್ಸಿಲ್‌ ನಿರ್ಧರಿಸಿದೆ. ಚೀನದಲ್ಲಿ ಈ ಹಿಂದೆ 2015ರಲ್ಲಿ ಈ ಕೂಟ ನಡೆದಿತ್ತು. 2027ರ ವಿಶ್ವ ಕೂಟವನ್ನು ಆಯೋಜಿಸಲು 92 ಮಿಲಿಯನ್‌ ಡಾಲರ್‌ ಖಾತರಿ ಮೊತ್ತ ನೀಡಲು ಸರಕಾರ ನಿರಾಕರಿಸಿದ ಹಿನ್ನೆಲೆಯಲ್ಲಿ ರೋಮ್‌ ಸ್ಪರ್ಧೆಯಿಂದ ಹಿಂದೆ ಸರಿಯಲು ನಿರ್ಧರಿಸಿದೆ ಎಂದು ಇಟಾಲಿಯನ್‌ ಟ್ರ್ಯಾಕ್‌ ಫೆಡರೇಶನ್‌ ತಿಳಿಸಿದೆ. ಈ ಹಿನ್ನೆಲೆಯಲ್ಲಿ ಸಭೆ ಸೇರಿದ ವಿಶ್ವ ಆ್ಯತ್ಲೆಟಿಕ್ಸ್‌ ಕೌನ್ಸಿಲ್‌ ಈ ಹಕ್ಕನ್ನು ಮತ್ತೆ ಬೀಜಿಂಗ್‌ಗೆ ನೀಡಲು ನಿರ್ಧರಿಸಿತು.