ಸದ್ಯದಲ್ಲೇ “ಸ್ಕಾರ್ಪಿಯೊ ಕ್ಲಾಸಿಕ್‌’; ಆರು ಸ್ಪೀಡ್‌ ಮಾನ್ಯುವಲ್‌ ಗೇರ್‌ ವ್ಯವಸ್ಥೆ

ಮಹಿಂದ್ರಾ ಆ್ಯಂಡ್‌ ಮಹಿಂದ್ರಾ ಕಂಪನಿಯಿಂದ ಈ ಹಿಂದೆ ಹೊರಬಂದಿದ್ದ ಜನಪ್ರಿಯ ಎಸ್‌ಯುವಿ ಆದ ಸ್ಕಾರ್ಪಿಯೋವನ್ನು ಮತ್ತೊಮ್ಮೆ ಮಾರುಕಟ್ಟೆಗೆ ಪರಿಚಯಿಸಲು ಕಂಪನಿ ನಿರ್ಧರಿಸಿದೆ.

ಎರಡು ವೇರಿಯೆಂಟ್‌ಗಳಲ್ಲಿ ಆ.20ರಿಂದ ಮಾರುಕಟ್ಟೆಗಳಲ್ಲಿ ಲಭ್ಯವಾಗಲಿದೆ. ಅವಶ್ಯಕತೆಗಳಿಗೆ ತಕ್ಕಂತೆ ಮಾರ್ಪಾಟುಗೊಳಿಸಲಾದ, ಅತ್ಯಾಧುನಿಕ ತಂತ್ರಜ್ಞಾನಗಳನ್ನು ಹೊಂದಿರುವ ಸ್ಕಾರ್ಪಿಯೊ ಕ್ಲಾಸಿಕ್‌, ಸದ್ಯದಲ್ಲೇ ಅನಾವರಣಗೊಳ್ಳಲಿದೆ ಎಂದು ಕಂಪನಿ ತಿಳಿಸಿದೆ.

2.2 ಲೀಟರ್‌ ಸಾಮರ್ಥ್ಯದ ಡೀಸೆಲ್‌ ಇಂಜಿನ್‌ ಹೊಂದಿರುವ ಇದು, ಆರು ಸ್ಪೀಡ್‌ ಮ್ಯಾನ್ಯುಯೆಲ್‌ ಗೇರ್‌ ವ್ಯವಸ್ಥೆ, ಎಬಿಎಸ್‌, ಎರಡು ಏರ್‌ಬ್ಯಾಗ್‌ ಸೇರಿದಂತೆ ಇತ್ತೀಚಿನ ಕಾರುಗಳಲ್ಲಿರುವ ಹಲವಾರು ಆಧುನಿಕ ಫೀಚರ್‌ಗಳನ್ನು ಒಳಗೊಂಡಿದೆ ಎಂದು ಕಂಪನಿ ತಿಳಿಸಿದೆ.