Madhya Pradesh; ಮಹಿಳೆಯರ ಮೇಲೆ ಜಲ್ಲಿಕಲ್ಲು ರಾಶಿ ಸುರಿದು ಜೀವಂತ ಹೂಳಲು ಯತ್ನ

ಭೋಪಾಲ್‌: ರಸ್ತೆ ನಿರ್ಮಾಣಕ್ಕೆ ಭೂಸ್ವಾಧೀನ ಮಾಡುವುದನ್ನು ಪ್ರತಿಭಟಿಸುತ್ತಿದ್ದ ಇಬ್ಬರು ಮಹಿಳೆಯರ ಮೇಲೆ ಜಲ್ಲಿಕಲ್ಲು ಸುರಿದು ಜೀವಂತ ಸಮಾಧಿ ಮಾಡಲು ಯತ್ನಿಸಿದ ಘಟನೆ ಮಧ್ಯಪ್ರದೇಶದ ರೇವಾದಲ್ಲಿ ನಡೆದಿದೆ. ರಸ್ತೆ ನಿರ್ಮಾಣ ಯೋಜನೆಯಲ್ಲಿ ತಮ್ಮ ಭೂಮಿ ಬಳಸಲು ಆಕ್ಷೇಪಿಸಿ ಈ ಮಹಿಳೆ ಯರು ಪ್ರತಿಭಟಿಸುತ್ತಿದ್ದರು. ಈ ವೇಳೆ ಸ್ಥಳೀಯ ಮುಖಂಡನ ಆದೇಶದಂತೆ ಅವರ ಮೇಲೆ ಟ್ರಕ್‌ನಿಂದ ಜಲ್ಲಿಕಲ್ಲುಗಳನ್ನು ಸುರಿಯಲಾಗಿದೆ. ಕುತ್ತಿಗೆಯವರೆಗೆ ಅವರನ್ನು ಜಲ್ಲಿಯ ರಾಶಿಯಲ್ಲಿ ಹೂಳಲಾಗಿತ್ತು. ಕೂಡಲೇ ಸ್ಥಳೀಯರು ಅವರನ್ನು ರಕ್ಷಿಸಿದ್ದಾರೆ.