ಮೈಸೂರು ,ಶಿವಮೊಗ್ಗದಲ್ಲಿ 2 ಪ್ರತ್ಯೇಕ ಭೀಕರ ರಸ್ತೆ ಅಪಘಾತ ;7 ಸಾವು 

ಮೈಸೂರು /ಶಿವಮೊಗ್ಗ: 2 ಪ್ರತ್ಯೇಕ ಭೀಕರ ರಸ್ತೆ ಅವಘಡದಲ್ಲಿ 7 ಮಂದಿ ದಾರುಣವಾಗಿ ಸಾವನ್ನಪ್ಪಿರುವ ಘಟನೆ ಬುಧವಾರ ಸಂಭವಿಸಿದೆ. 

ಮೈಸೂರಿನಲ್ಲಿ  ಟಾಟಾ ಏಸ್‌ ಲಾರಿಗೆ ಡಿಕ್ಕಿ; 3 ಸಾವು 
ಟಿ ನರಸೀಪುರ ರಸ್ತೆಯ ಕೆಂಪಯ್ಯನ ಹುಂಡಿ ಬಳಿ ಟಾಟಾ ಏಸ್‌ ಲಾರಿಗೆ ಡಿಕ್ಕಿ  ಯಾಗಿ ಏಸ್‌ನಲ್ಲಿದ್ದ ಮೂವರು ಸ್ಥಳದಲ್ಲೆ ಸಾವನ್ನಪ್ಪಿದ್ದು, ನಾಲ್ವರು ಗಂಭೀರವಾಗಿ ಗಾಯಗೊಂಡಿದ್ದಾರೆ. 

ಮೃತ ದುರ್ದೈವಿಗಳು ಟಿ.ನರಸೀಪುರದ ರಘು(25), ಮಹದೇವಮ್ಮ (45),ಬಸಮ್ಮ(36) ಎಂದು ತಿಳಿದು ಬಂದಿದ್ದು , ಸಂತೆಗೆ ತೆರಳುತ್ತಿದ್ದರು ಎನ್ನಲಾಗಿದೆ. ನಾಲ್ವರು ಗಾಯಾಳುಗಳನ್ನು ಕೆ.ಆರ್‌.ಆಸ್ಪತ್ರೆಗೆ ದಾಖಲಿಸಲಾಗಿದೆ. 

ಟಿ.ನರಸೀಪುರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಸಾಗರ ಬಸ್‌ಗೆ ಆಟೋ ಡಿಕ್ಕಿ ; ನಾಲ್ವರ ಸಾವು 
ಸಾಗರದ ಆಚಾರಪುರ ಬಳಿ ಬಸ್‌ಗೆ ಆಟೋ ರಿಕ್ಷಾ ಡಿಕ್ಕಿಯಾದ ಪರಿಣಾಮ ರಿಕ್ಷಾದಲ್ಲಿದ್ದ ನಾಲ್ವರು ದಾರುಣವಾಗಿ ಸಾವನ್ನಪ್ಪಿದ್ದಾರೆ. ಇಬ್ಬರು ಗಂಭೀರವಾಗಿ ಗಾಯಗೊಂಡಿದ್ದಾರೆ. 

ಸಾಗರ ತಾಲೂಕು ಆಸ್ಪತ್ರೆಗೆ ಗಾಯಾಳುಗಳನ್ನು ದಾಖಲಿಸಲಾಗಿದೆ. ಸಾಗರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.