Imphal ಮಣಿಪುರದಲ್ಲಿ ಮತ್ತೆ ಹಿಂಸಾಚಾರ; ಮತ್ತಿಬ್ಬರ ಹತ್ಯೆ

ಗುವಾಹಟಿ: ಮಣಿಪುರದಲ್ಲಿ ಮತ್ತೆ ಹಿಂಸಾಚಾರ ಭುಗಿಲೇಳುವ ಎಲ್ಲ ಲಕ್ಷಣಗಳೂ ಗೋಚರಿಸಿದ್ದು, ಸೋಮವಾರ ಕುಕಿ-ಝೋ ಸಮುದಾಯಕ್ಕೆ ಸೇರಿರುವ ಇಬ್ಬರನ್ನು ಹತ್ಯೆಗೈಯ್ಯಲಾಗಿದೆ.

ಕಾಂಗ್‌ಪೋಕ್ಪಿ ಜಿಲ್ಲೆಯಲ್ಲಿ ಮೈತೇಯಿ ಬಂಡುಕೋರರು ದಾಳಿ ನಡೆಸಿ, ಈ ಕೃತ್ಯವೆಸಗಿದೆ ಎಂದು ಕಮಿಟಿ ಆನ್‌ ಟ್ರೈಬಲ್‌ ಯುನಿಟಿ ಸಂಘಟನೆ ಆರೋಪಿಸಿದೆ.

ಹರೋತೇಲ್‌ ಮತ್ತು ಕೋಬ್‌ಶಾ ಗ್ರಾಮದಲ್ಲಿ ಮೈತೇಯಿ ಬಂಡುಕೋರರು ಅಪ್ರಚೋದಿತ ದಾಳಿ ನಡೆಸಿ, ಇಬ್ಬರು ಕುಕಿ ಯುವಕರನ್ನು ಗುಂಡಿಕ್ಕಿ ಹತ್ಯೆಗೈದಿದ್ದಾರೆ ಎಂದು ಸಂಘಟನೆ ದೂರು ನೀಡಿದೆ.