ಥಾಣೆ: ಮರ ಉರುಳಿ ಬಿದ್ದು ಇಬ್ಬರು ಸಾವು, 9 ಮಂದಿಗೆ ಗಾಯ

ಥಾಣೆ : ನಿನ್ನೆ ಸೋಮವಾರ ರಾತ್ರಿಯಿಂದೀಚೆಗೆ ಇಲ್ಲಿ ಸುರಿಯುತ್ತಿರುವ ಭಾರೀ ಮಳೆಗೆ ದೊಡ್ಡ ಮರವೊಂದರ ಉರುಳಿ ಬಿದ್ದ ಕಾರಣ ಇಬ್ಬರು ಮೃತಪಟ್ಟು ಇತರ 9 ಮಂದಿ ಗಾಯಗೊಂಡ ಘಟನೆ ನಡೆದಿದೆ.

ಜೋರಾಗಿ ಮಳೆ ಬರುತ್ತಿದ್ದ ವೇಳೆ ಭಿವಂಡಿ ಪಟ್ಟಣದ ನಾರ್‌ಪೋಲಿಯಲ್ಲಿನ ಆಟೋಮೊಬೈಲ್‌ ಗ್ಯಾರೇಜ್‌ ಸಮೀಪ ಜನರು ನಿಂತಿದ್ದಾಗ ಅವರ ಮೇಲೆ ದೊಡ್ಡದೊಂದು ಮರ ಉರುಳಿ ಬಿತ್ತು. ಪರಿಣಾಮವಾಗಿ ಇಬ್ಬರು ಸ್ಥಳದಲ್ಲೇ ಮೃತಪಟ್ಟರು.

ಮೃತರನ್ನು ಇಮ್ರಾನ್‌ ಅನ್ಸಾರಿ 28 ಮತ್ತು ಲಲ್ಲನ್‌ ಯಾದವ್‌ 54 ಎಂದು ಗುರುತಿಸಲಾಗಿದೆ.

9 ಮಂದಿ ಗಾಯಾಳುಗಳನ್ನು ತತ್‌ಕ್ಷಣವೇ ಸರಕಾರಿ ಆಸ್ಪತ್ರೆಗೆ ಒಯ್ಯಲಾಗಿ ಅಲ್ಲಿ ಅವರಿಗೆ ಚಿಕಿತ್ಸೆ ಕೊಡಿಸಲಾಯಿತು. ಆ ಪೈಕಿ ಮೂವರು ಬಿಡುಗಡೆಗೊಂಡಿದ್ದು ಉಳಿದವರು ಒಳರೋಗಿಗಳಾಗಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಅಧಿಕಾರಿ ತಿಳಿಸಿದ್ದಾರೆ.