ದಿಲ್ಲಿ : ಬಸ್ಸಿಗೆ ಟೆಂಪೋ ಢಿಕ್ಕಿ; ಇಬ್ಬರ ಸಾವು, 6 ಮಂದಿಗೆ ಗಾಯ

ಹೊಸದಿಲ್ಲಿ : ವಾಯವ್ಯ ದಿಲ್ಲಿಯ ರಾಣಿ ಬಾಗ್‌ನಲ್ಲಿ ನಿಂತಿದ್ದ ಬಸ್ಸಿಗೆ ಟೆಂಪೋ ಢಿಕ್ಕಿ ಹೊಡೆದು ಸಂಭವಿಸಿದ ಭೀಕರ ಅಪಘಾತದಲ್ಲಿ ಇಬ್ಬರು ಮೃತಪಟ್ಟು ಇತರ ಆರು ಮಂದಿ ಗಾಯಗೊಂಡರೆಂದು ಪೊಲೀಸರು ತಿಳಿಸಿದ್ದಾರೆ. 

ರೋಹಿಣಿ ಡಿಪೋಗೆ ಸೇರಿದ ಬಸ್ಸು ಮಧುಬನ್‌ ಚೌಕ್‌ ಅಂಡರ್‌ಪಾಸ್‌ ಬಳಿ  ರಸ್ತೆ ಬದಿ ಕೆಟ್ಟು ನಿಂತಿದ್ದು ಅದರ ದುರಸ್ತಿ ಕಾರ್ಯ ನಡೆಯುತ್ತಿತ್ತು. ಆಗಲೇ ಟೆಂಪೋ ಒಂದು ಹಿಂಬದಿಯಿಂದ ಬಸ್ಸಿಗೆ ಢಿಕ್ಕಿ ಹೊಡೆಯಿತು ಎಂದು ಪೊಲೀಸರು ತಿಳಿಸಿದ್ದಾರೆ.

ಬಸ್ಸು ದುರಸ್ತಿ ಮಾಡುತ್ತಿದ್ದ ಎಂಟು ಮಂದಿ ಗಾಯಗೊಂಡರು.ಅವರ ಪೈಕಿ ಪ್ರಮೋದ್‌ ಮತ್ತು ಸುನೀಲ್‌ ಎಂಬವರು ಮೃತಪಟ್ಟರು. ಉಳಿದ ಆರು ಮಂದಿಗೆ ಚಿಕಿತ್ಸೆ ನೀಡಲಾಗುತ್ತಿದೆ.