ಮಣಿಪಾಲ: ಕೋವಿಡ್-19 ವೈರಸ್ ಹರಡುವ ತೀವ್ರತೆಯ ಕುರಿತಾದಂತೆ ದೇಶದ ಜನಸಾಮಾನ್ಯರಲ್ಲಿ ನಿರ್ಲಕ್ಷ್ಯ ಭಾವನೆ ಹೆಚ್ಚಾಗುತ್ತಿದೆಯೇ?- ನಿಮ್ಮ ಅಭಿಪ್ರಾಯವೇನು ಎಂಬ ಪ್ರಶ್ನೆಯನ್ನು ಉದಯವಾಣಿ ಕೇಳಿದ್ದು, ಆಯ್ದ ಉತ್ತರಗಳು ಇಲ್ಲಿದೆ.
ಲೋನ್ ವಾಕರ್: ಹೌದು ಏಕೆಂದರೆ ಕೊರೋನ ವಿರುದ್ಧ ಕೈಗೊಂಡ ಕಠಿಣ ಕ್ರಮಗಳು ಕೇವಲ ಜನಸಾಮಾನ್ಯರಿಗೆ ಮಾತ್ರ ಸೀಮಿತವಾಗಿದೆ.ಸ್ವತಃ ಸರಕಾರಿ ಅಧಿಕಾರಿಗಳು(ಮುಖ್ಯಮಂತ್ರಿ ಸಹಿತ)ಕೈಗೊಂಡ ಕ್ರಮಗಳನ್ನು ಅಚ್ಚುಕಟ್ಟಾಗಿ ಪಾಲಿಸುತ್ತಿಲ್ಲ.ಹೀಗೆ ಅಸಡ್ಡೆ ಮುಂದುವರಿದಲ್ಲಿ ಈ ರೋಗ ಮುಂದಿನ ದಿನಗಳಲ್ಲಿ ಬಹು ದೊಡ್ಡ ಅಪಾಯ ತಂದೊಡ್ಡಬಹುದು.
ಬೀಜಾಡಿ ನರಸಿಂಹ: ಹೆಚ್ಚಿನ ಪ್ರಕರಣಗಳು ವಿದೇಶಿದಿಂದ ಬಂದವರಿಂದಲೇ ಹರಡಿರುವುದರಿಂದ ಎಲ್ಲಾ ಏರ್‌ಪೋರ್ಟ್ ಗಳಲ್ಲಿ ಮೊದಲೇ ಕಠಿಣವಾದ ಮುಂಜಾಗ್ರತಾ ಕ್ರಮ ವಹಿಸಿದ್ದರೆ ಇಷ್ಟರ ಮಟ್ಟಿಗೆ ಹರಡುತ್ತಿರಲಿಲ್ಲ. ಆದರೂ ಹೆಚ್ಚಿನ ಜನರಲ್ಲಿ ಆತಂಕ ಇದೆ. ಇವರಿಗೆ ಸರಿಯಾದ ಮುಂಜಾಗ್ರತಾ ಕ್ರಮದ ಮಾಹಿತಿ ಇಲ್ಲ.
ಸಣ್ಣಮಾರಪ್ಪ. ಚಂಗಾವರ; ಭಾರತದಲ್ಲಿ ಬಿಸಿಲು ಹೆಚ್ಚು ಇರುವುದರಿಂದ ಬೇಗ ಹರಡುವುದಿಲ್ಲ, ನಮ್ಮ ಸಂಸ್ಕೃತಿಯನ್ನು ಬೇರೆಯವರು ಪಾಲಿಸುತ್ತಿದ್ದಾರೆ ಎನ್ನುವ ಮನಸ್ಥಿತಿ ಜನರಲ್ಲಿದೆ. ನಿಯಂತ್ರಣ ತರಬೇಕಾದ ಸರ್ಕಾರಗಳು ಎಡವಿದಂತೆ ಕಾಣುತ್ತಿದೆ. ಈ ಎಲ್ಲ ಕಾರಣಗಳಿಂದ ಜನಸಾಮಾನ್ಯರಿಗೆ ಸರಿಯಾದ ಮಾಹಿತಿ ಸಿಗುತ್ತಿಲ್ಲ.
ಸಂತೋಷ್ ಡಿಸೋಜಾ: ಕೊರೋನಾ ವೈರಸ್ 25° ಉಷ್ಣಾಂಶದಲ್ಲಿ ಸಾಯುತ್ತದೆ ಎಂದು ಕೆಲವು ರಾಜಕಾರಣಿಗಳು ಮತ್ತು ಸರಕಾರದ ಪ್ರತಿನಿಧಿಗಳು ಹೇಳುತ್ತಿದ್ದಾರೆ. ಒಬ್ಬರೊಬ್ಬರು ಒಂದೊಂದು ಹೇಳಿಕೆ ನೀಡುತ್ತಿದ್ದಾರೆ. ಇದು ನಿಜವೇ ಎಂದು ಕೇಂದ್ರ ಸರಕಾರ ಸ್ಪಷ್ಟ ಪಡಿಸಲಿ. ಇದರ ಬಗ್ಗೆ ಆನೇಕ ಜನರಿಗೆ ಗೊಂದಲ ಇದೆ.
ಮಧು ಮಧು: ಹೌದು ಇದು ನಗರ ಪ್ರದೇಶಗಳಲ್ಲಿ ಮಾತ್ರ ಕರೋನ ಬಗ್ಗೆ ಜಾಗೃತಿ ಮೂಡಿಸಲಾಗುತ್ತಿದೆ. ಹಳ್ಳಿಗಳಲ್ಲಿ ಗ್ರಾಮ ಪಂಚಾಯತ್ ವತಿಯಿಂದ ಯಾವುದೇ ಮುನ್ನೆಚ್ಚರಿಕೆ ಕ್ರಮಗಳು ಜನಸಾಮಾನ್ಯರಿಗೆ ತಿಳಿಸುವ ಕೆಲಸಗಳು ನಡೆಯುತ್ತಿಲ್ಲ ಸ್ವಚ್ಛತೆ ಯಾವುದೇ ಅದ್ಯತೆಗಳಿಲ್ಲ
