18ನೇ ಏಶ್ಯನ್‌ ಗೇಮ್ಸ್‌: ಮನು-ಅಭಿಷೇಕ್‌ ವಿಫ‌ಲ

ಪಾಲೆಂಬಾಂಗ್‌: 5ನೇ ಸ್ಥಾನದಲ್ಲಿ ಕಜಾಕ್‌ಸ್ಥಾನ್‌ ವಿರುದ್ಧ ಟೈ ಸಾಧಿಸಿದ ಮನು ಭಾಕರ್‌-ಅಭಿಷೇಕ್‌ ವರ್ಮ 10 ಮೀ. ಏರ್‌ ಪಿಸ್ತೂಲ್‌ ಮಿಕ್ಸೆಡ್‌ ಟೀಮ್‌ ಸ್ಪರ್ಧೆಯಲ್ಲಿ ಫೈನಲ್‌ ತಲುಪಲು ವಿಫ‌ಲರಾದರು. 80 ಶಾಟ್‌ಗಳ ಬಳಿಕ ಎರಡೂ ಕಡೆಯ ಸ್ಪರ್ಧಿಗಳು 759 ಅಂಕ ಸಂಪಾದಿಸಿದರು. ಆದರೆ ಮನು-ಅಭಿಷೇಕ್‌ ಅವರಿಗಿಂತ ಹೆಚ್ಚು “ಇನ್ನರ್‌ ಟೆನ್ಸ್‌’ಗೆ ಗುರಿ ಇರಿಸಿದ ಕಜಾಕ್‌ಸ್ಥಾನ್‌ ಸ್ಪರ್ಧಿಗಳು ಫೈನಲ್‌ ತಲುಪಿದರು (ಇನ್ನರ್‌ ಟೆನ್ಸ್‌: ಕಜಾಕ್‌ 25, ಭಾರತ 14).

“ಮನು ಸಾಮರ್ಥ್ಯಕ್ಕೆ ತಕ್ಕ ಪ್ರದರ್ಶನ ನೀಡಲಿಲ್ಲ. ಕೊನೆಯಲ್ಲಿ ಆಕ್ರೋಶ ವ್ಯಕ್ತಪಡಿಸಿದರು. ಮೊದಲು ಅವರು ತಮ್ಮ ಸಿಟ್ಟನ್ನು ನಿಯಂತ್ರಣದಲ್ಲಿಡಬೇಕು. ಅಭಿಷೇಕ್‌ಗೆ ಇದು ಹೊಸ ಅನುಭವ. ದೊಡ್ಡ ಕೂಟಗಳಲ್ಲಿ ಒತ್ತಡವನ್ನು ಹೇಗೆ ನಿಭಾಯಿಸಬೇಕು ಎಂಬುದನ್ನು ಅವರು ಕಲಿಯಬೇಕಿದೆ’ ಎಂಬುದಾಗಿ ಕೋಚ್‌ ಜಸ್ಪಾಲ್‌ ರಾಣ ಹೇಳಿದ್ದಾರೆ.