Advertisement
ಹೀಗಿದೆ ಯೋಜನೆಕೇಂದ್ರ ಸರಕಾರದ ಈ ಯೋಜನೆಯ ಪ್ರಕಾರ ಓವರ್‌ ಲೋಡ್‌ ಆಗುವ ಟ್ರಾನ್ಸ್ ಫಾರ್ಮರ್‌ಗಳಿಗೆ ಹೆಚ್ಚುವರಿ ಟಿಸಿಗಳನ್ನು ಅಳವಡಿಸಲು ಪುತ್ತೂರು ನಗರಕ್ಕೆ 138 ಟಿ.ಸಿ.ಗಳು ಲಭ್ಯವಾಗುತ್ತವೆ. ಹಳೆಯ ತಂತಿಗಳನ್ನು ಬದಲಿಸಲು 1,200 ಕಿ.ಮೀ. ಉದ್ದದ ತಂತಿ ಲಭಿಸುತ್ತದೆ. 11 ಕೆ.ವಿ.ಗಳಲ್ಲಿ ಹಾಲಿ ಬಳಸಲಾಗುತ್ತಿರುವ ರ್ಯಾಮಿಟ್‌ ವೈರ್‌ ಗಳನ್ನು ಬದಲಾಯಿಸಿ ಕೋಯೆಟ್‌ ವೈರ್‌ ಗಳನ್ನು ಅಳವಡಿಸಲು ಈ ಯೋಜನೆಯಲ್ಲಿ ಮಂಜೂರಾಗುತ್ತದೆ.
3.50 ಕೋ.ರೂ. ಐಪಿಡಿಎಸ್‌ ಯೋಜನೆಯಲ್ಲಿ ಸಲ್ಲಿಸಲಾದ ಭೂಗತ ಕೇಬಲ್‌ ಅಳವಡಿಕೆಯ ಮತ್ತೂಂದು ಪ್ರಸ್ತಾವನೆಯೂ ಪುತ್ತೂರಿಗೆ ಮಂಜೂರುಗೊಂಡಿದೆ. ಈ ಮಂಜೂರಾತಿ ಪುತ್ತೂರು, ಉಳ್ಳಾಲಕ್ಕೆ ಮಾತ್ರ ಲಭಿಸಿದೆ. ಇದರಲ್ಲಿ ಪ್ರತ್ಯೇಕವಾಗಿ 3.50 ಕೋ. ರೂ. ಲಭಿಸಲಿದ್ದು, ಟೆಂಡರ್‌ ಪ್ರಕ್ರಿಯೆ ಹಂತದಲ್ಲಿದೆ. ಟೆಂಡರ್‌ ಆದ ಬಳಿಕ ಹಾರಾಡಿ ಮೆಸ್ಕಾಂ ಕೇಂದ್ರದಿಂದ ಗ್ರಾಮಾಂತರಕ್ಕೆ ಹೋಗುವ ಕೆಮ್ಮಾಯಿವರೆಗೆ, ಸಾಲ್ಮರದ ವರೆಗೆ, ನೆಹರೂನಗರದವರೆಗೆ ಭೂಗತ ವಿದ್ಯುತ್‌ ಕೇಬಲ್‌ ಅಳವಡಿಸಲಾಗುತ್ತದೆ ಎಂದು ಮೆಸ್ಕಾಂ ಅಧಿಕಾರಿಗಳು ತಿಳಿಸಿದ್ದಾರೆ.
Related Articles
Advertisement
ಹೆಚ್ಚು ಅನುದಾನಪ್ರಸ್ತಾವನೆ ಹಂತದಲ್ಲೇ ಹೆಚ್ಚು ಅನುದಾನಕ್ಕೆ ಅರ್ಜಿ ಸಲ್ಲಿಸಿದ್ದರಿಂದ ಹೆಚ್ಚು ಅನುದಾನ ಪುತ್ತೂರಿಗೆ ಲಭಿಸಿದೆ. ಐಪಿಡಿಎಸ್‌ನಲ್ಲಿ ಉತ್ತಮ ಗುಣಮಟ್ಟದ ಸಾಮಾಗ್ರಿಗಳು ಲಭ್ಯವಾಗುತ್ತವೆ. ಈಗಾಗಲೇ ಕೆಲಸ ಆರಂಭಗೊಂಡಿದ್ದು, 2019ರ ಆಗಸ್ಟ್‌ ಒಳಗೆ ಮುಗಿಸಲು ಗುತ್ತಿಗೆದಾರರಿಗೆ ಸಮಯಾವಕಾಶವಿದೆ. ಈ ಕೆಲಸಗಳು ಪೂರ್ಣಗೊಂಡರೆ ಮುಂದಿನ 15 ವರ್ಷಗಳ ತನಕ ಸಮಸ್ಯೆ ಇರುವುದಿಲ್ಲ.
– ರಾಮಚಂದ್ರ, ಎಇಇ ಮೆಸ್ಕಾಂ,
ಪುತ್ತೂರು ನಗರ ಉಪ ವಿಭಾಗ ರಾಜೇಶ್‌ ಪಟ್ಟೆ