ದಿವ್ಯಾಂಗ ಯೋಧರಿಗೆ 18 ಸಾವಿರ ಮಾಸಿಕ ಪಿಂಚಣಿ

ಹೊಸದಿಲ್ಲಿ: ಸೇನೆಯಲ್ಲಿದ್ದು ಅಂಗವಿಕಲರಾದ ಯೋಧರಿಗೆ ಮಾಸಿಕ 18 ಸಾವಿರ ರೂ. ಪಿಂಚಣಿ ನಿಗದಿಗೊಳಿಸಿ ರಕ್ಷಣಾ ಸಚಿವೆ ನಿರ್ಮಲಾ ಸೀತಾರಾಮನ್‌ ಆದೇಶ ಹೊರಡಿಸಿ ದ್ದಾರೆ. ದಿವ್ಯಾಂಗ/ಯುದ್ಧದಲ್ಲಿ ಗಾಯಗೊಂಡ ಯೋಧರು, ವಿಶೇಷ ಕೌಟುಂಬಿಕ ಪಿಂಚಣಿ, ಇತರ ವಿಶೇಷ ಪಿಂಚಣಿದಾರರಿಗೆ ಮಾಸಿಕ ಪಿಂಚಣಿ ಮೊತ್ತವನ್ನು 18 ಸಾವಿರ ರೂ.ಗೆ ಏರಿಕೆ ಮಾಡಲಾಗಿದೆ. ಈ ಆದೇಶ 2016 ಜ.1 ರಿಂದ ಪೂರ್ವಾ ನ್ವಯವಾಗಲಿದೆ. ಈ ಹಿಂದೆ ಸ್ಲ್ಯಾಬ್‌ ಆಧಾರದಲ್ಲಿ ಪಿಂಚಣಿ ನಿಗದಿಸಿದ್ದರಿಂದ ವಿಪಕ್ಷಗಳು ಹಾಗೂ ಸೇನಾ ವಲಯದಿಂದ ತೀವ್ರ ಆಕ್ಷೇಪ ವ್ಯಕ್ತವಾಗಿತ್ತು. ಈ ಹಿನ್ನೆಲೆಯಲ್ಲಿ ರಕ್ಷಣಾ ಸಚಿವಾ ಲಯವು ವಿಷಯವನ್ನು ವಿಶೇಷ ಸಮಿತಿಯ ಪರಿಶೀಲನೆಗೆ ನೀಡಿತ್ತು. ಇದೀಗ ಸಮಿತಿ ವರದಿ ಹಿನ್ನೆಲೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ. ಆದರೆ ಅಂಗವೈಕಲ್ಯ ಪಿಂಚಣಿಗೆ ಯಾವ ಮಾನದಂಡವನ್ನು ಅನುಸರಿಸಬೇಕು ಎಂಬ ಗೊಂದಲ ಇನ್ನೂ ಮುಂದುವರಿದಿದೆ ಎಂದು ಮೂಲಗಳು ತಿಳಿಸಿವೆ.