Maharashtra; ಅಜಿತ್‌ ಬಣದ 18-19 ಶಾಸಕರು ಶರದ್‌ಬಣಕ್ಕೆ ಪಕ್ಷಾಂತರ: ರೋಹಿತ್‌

ಮುಂಬಯಿ: ಮಹಾರಾಷ್ಟ್ರದ ಎನ್‌ಸಿಪಿಯ (ಅಜಿತ್‌ ಬಣ) 18-19 ಶಾಸಕರು ಮಹಾರಾಷ್ಟ್ರ ವಿಧಾನಸಭೆ ಅಧಿವೇಶನದ ಅನಂತರ ಪಕ್ಷಾಂತರವಾಗಬಹುದು ಎಂದು ಎನ್‌ಸಿಪಿ (ಶರದ್‌ ಬಣ) ನಾಯಕ ರೋಹಿತ್‌ ಪವಾರ್‌ ಸುಳಿವು ನೀಡಿದ್ದಾರೆ.

ಎನ್‌ಸಿಪಿ ಅಧ್ಯಕ್ಷ ಶರದ್‌ ಪವಾರ್‌ ಹಾಗೂ ಇತರ ನಾಯಕರ ವಿರುದ್ಧ ಕೆಲವು ಎನ್‌ಸಿಪಿ ಶಾಸಕರು ಈವರೆಗೆ ಮಾತ ನಾಡಿಲ್ಲ. 18-19 ಶಾಸಕರು ನಮ್ಮ ಸಂಪರ್ಕದಲ್ಲಿದ್ದು, ಮುಂಗಾರು ಅಧಿವೇಶನದ ನಂತರ ಪಕ್ಷ ಬದಲಿ ಸಲಿದ್ದಾರೆ. ಅವರನ್ನು ಮರಳಿ ಪಕ್ಷಕ್ಕೆ ಸೇರಿಸಿಕೊಳ್ಳುವ ಬಗ್ಗೆ ಶರದ್‌ ಪವಾರ್‌ ತೀರ್ಮಾನ ಕೈಗೊಳ್ಳಲಿದ್ದಾರೆ ಎಂದಿದ್ದಾರೆ.