ತೇಜಸ್‌ ಎಂಕೆ2 ಖರೀದಿಗೆ 16 ದೇಶಗಳು ಉತ್ಸುಕ

ನವದೆಹಲಿ: ಭಾರತದ ದೇಶಿ ನಿರ್ಮಿತ ಹಗುರ ಯುದ್ಧ ವಿಮಾನ ತೇಜಸ್‌ ಎಂಕೆ2 ಖರೀದಿಗೆ 16 ದೇಶಗಳು ಉತ್ಸುಕತೆ ತೋರಿವೆ.

ಗುಜರಾತ್‌ನ ಗಾಂಧಿನಗರದಲ್ಲಿ ನಡೆಯುತ್ತಿರುವ ಡಿಫೆನ್ಸ್‌ ಎಕ್ಸ್‌ಪೊ-2022ರಲ್ಲಿ ಪ್ರದರ್ಶನಗೊಂಡಿರುವ ತೇಜಸ್‌ ಎಂಕೆ2 ಕುರಿತು ಹೆಚ್ಚಿನ ಮಾಹಿತಿಯನ್ನು ವಿದೇಶಗಳು ಆಪೇಕ್ಷಿಸಿವೆ.

ಇದೇ ವೇಳೆ ಇದರ ಉತ್ಪಾದನೆಯನ್ನು ಹೆಚ್ಚಿಸುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರ ಕ್ರಮ ತೆಗೆದುಕೊಂಡಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ತೇಜಸ್‌ ಎಂಕೆ2 ತಯಾರಿಕೆಗೆ ಈ ವರ್ಷದ ಸೆಪ್ಟೆಂಬರ್‌ನಲ್ಲಿ ಭದ್ರತೆಗೆ ಸಂಬಂಧಿಸಿದ ಸಂಪುಟ ಸಭೆಯು ಅನುಮೋದನೆ ನೀಡಿತ್ತು.

4.5 ಪೀಳಿಗೆಯ ಹಗುರ ಯುದ್ಧ ವಿಮಾನವಾಗಿರುವ ತೇಜಸ್‌ ಎಂಕೆ2ನ ಸುಧಾರಿತ ಆವೃತ್ತಿಯು ವಿನ್ಯಾಸ ಮತ್ತು ಅಭಿವೃದ್ಧಿ ಹಂತದಲ್ಲಿದೆ.