ಚಾಮರಾಜನಗರದಲ್ಲಿ ಇಂದು 14 ಹೊಸ ಕೋವಿಡ್ 19 ಪ್ರಕರಣ

ಚಾಮರಾಜನಗರ: ಗುಂಡ್ಲುಪೇಟೆಯ ಪುರಸಭೆ ಸದಸ್ಯ, 3 ವರ್ಷದ ಮಗು ಸೇರಿದಂತೆ ಜಿಲ್ಲೆಯಲ್ಲಿ ಸೋಮವಾರ 14 ಹೊಸ ಕೋವಿಡ್ 19 ಪ್ರಕರಣಗಳು ವರದಿಯಾಗಿವೆ.

16 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ಒಟ್ಟು ಪ್ರಕರಣಗಳ ಸಂಖ್ಯೆ 187ಕ್ಕೇರಿದ್ದು, ಇವುಗಳಲ್ಲಿ 92 ಸಕ್ರಿಯ ಪ್ರಕರಣಗಳಿವೆ.

ಸೋಮವಾರ ಓರ್ವ ಸೋಂಕಿತ (ರೋಗಿ ಸಂಖ್ಯೆ: ಸಿಎಚ್‌ಎನ್ 188) ಮೃತಪಟ್ಟಿದ್ದು, ಮೂವರು ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. 1439 ಮಾದರಿಗಳ ಫಲಿತಾಂಶ ಬಾಕಿ ಇದೆ.

ಸೋಮವಾರ ವರದಿಯಾಗಿರುವ 14 ಪ್ರಕರಣಗಳ ಪೈಕಿ ಗುಂಡ್ಲುಪೇಟೆ ತಾಲೂಕಿನ 11 ಪ್ರಕರಣಗಳು, ಕೊಳ್ಳೇಗಾಲ ತಾಲೂಕಿನ 3 ಪ್ರಕರಣಗಳಿವೆ.

ಇದನ್ನೂ ಓದಿ: ಚಾಮರಾಜನಗರ: ಕೋವಿಡ್‌ 19 ಸೋಂಕಿಗೆ ಎರಡನೇ ಬಲಿ

ಗುಂಡ್ಲುಪೇಟೆ ತಾಲೂಕು: 35 ವರ್ಷದ ಪುರಸಭಾ ಸದಸ್ಯ, ಪಟ್ಟಣ. 27 ವರ್ಷದ ಯುವಕ ಬೊಮ್ಮಲಾಪುರ, 27 ವರ್ಷದ ಯುವಕ, 40 ವರ್ಷದ ವ್ಯಕ್ತಿ, 55 ವರ್ಷದ ಮಹಿಳೆ, 38 ವರ್ಷದ ಮಹಿಳೆ, ಅಮೀರ್‌ಜಾನ್ ರಸ್ತೆ ಗುಂಡ್ಲುಪೇಟೆ, 53 ವರ್ಷದ ವ್ಯಕ್ತಿ ಅಶ್ವಿನಿ ಬಡಾವಣೆ, 3 ವರ್ಷದ ಹೆಣ್ಣು ಮಗು, 26 ವರ್ಷದ ಯುವತಿ, 25 ವರ್ಷದ ಯುವತಿ, ದೊಡ್ಡತುಪ್ಪೂರು. 18 ವರ್ಷದ ಯುವಕ ಬೆಳವಾಡಿ.

ಕೊಳ್ಳೇಗಾಲ ತಾಲೂಕು:  61 ವರ್ಷದ ಮಹಿಳೆ, ಪಟ್ಟಣ. 43 ವರ್ಷದ ವ್ಯಕ್ತಿ ಕೊಳ್ಳೇಗಾಲ ಮೋಳೆ. 65 ವರ್ಷದ ವೃದ್ಧ, ಪಾಳ್ಯ (ಮೃತವ್ಯಕ್ತಿ)