ಭಾರತದ 1,300 ವಿದ್ಯಾರ್ಥಿಗಳಿಗೆ ಮತ್ತೆ ವೀಸಾ ನೀಡಿದ ಚೀನ

ನವದೆಹಲಿ/ಬೀಜಿಂಗ್‌: ಭಾರತದ 1,300 ವಿದ್ಯಾರ್ಥಿಗಳಿಗೆ ಚೀನ ಮತ್ತೆ ವೀಸಾ ನೀಡಿದೆ. 2020ರಲ್ಲಿ ಆ ದೇಶದಲ್ಲಿ ತೀವ್ರ ರೀತಿಯಲ್ಲಿ ಕೊರೊನಾ ಕಂಡುಬಂದಿದ್ದರಿಂದ ವಿದ್ಯಾರ್ಥಿಗಳು ಸ್ವದೇಶಕ್ಕೆ ವಾಪಸಾಗಿದ್ದರು.

ಚೀನದ ವಿವಿಗಳಲ್ಲಿ ದೇಶದ 23 ಸಾವಿರ ಮಂದಿ ವಿದ್ಯಾಭ್ಯಾಸ ಮಾಡುತ್ತಿದ್ದಾರೆ. ಆ ಪೈಕಿ 1,300 ಮಂದಿಗೆ ವೀಸಾ ನೀಡಲಾಗಿದ್ದು, ಅವರಿಗೆ ಪ್ರಯಾಣಕ್ಕೆ ಅನುಮತಿ ನೀಡಲಾಗಿದೆ.

ಅವರೊಂದಿಗೆ ಸರಿ ಸುಮಾರು 300 ಉದ್ಯಮಿಗಳಿಗೂ ವೀಸಾ ನೀಡಲಾಗಿದೆ ಎಂದು ಚೀನದ ವಿದೇಶಾಂಗ ಸಚಿವಾಲಯದ ಏಷ್ಯನ್‌ ವ್ಯವಹಾರಗಳ ಮಹಾ ನಿರ್ದೇಶಕರಾಗಿರುವ ಲಿಯು ಜಿನ್ಸಂಗ್‌ ಬೀಜಿಂಗ್‌ನಲ್ಲಿರುವ ಭಾರತದ ರಾಯಭಾರಿ ಪ್ರದೀಪ್‌ ರಾವತ್‌ಗೆ ಈ ಮಾಹಿತಿ ಕೊಟ್ಟಿದ್ದಾರೆ.