ಬಡ ಜನರಿಗೆ 1235 ಮಾಸ್ಕ್ ವಿತರಣೆ

ಬಾಗಲಕೋಟೆ: ನಗರದ ಪೊಲೀಸರು, ಕೋವಿಡ್ ವಾರಿಯರ್ಸ್ ಗಳು ಹಾಗೂ ಬಡ ಜನರಿಗೆ ಬಿಜೆಪಿ ಓಬಿಸಿ ನಗರ ಘಟಕದಿಂದ 1235 ಮಾಸ್ಕ್ ಉಚಿತವಾಗಿ ನೀಡಲಾಯಿತು. ಓಬಿಸಿ ನಗರ ಘಟಕ, ವೀರ ಶಿವಾಜಿ ಸೇನೆ, ಛತ್ರಪತಿ ಯುವಕ ಸಂಘ, ಮೋದಿ ಅಭಿಮಾನಿಗಳ ಬಳಗದ ಪದಾಧಿಕಾರಿಗಳು ನಗರದ ಪೊಲೀಸರು, ಪೌರ ಕಾರ್ಮಿಕರಿಗೆ ಮಾಸ್ಕ ಹಾಗೂ ಸ್ಯಾನಿಟೈಜರ್‌ ನೀಡಿ, ಕೋವಿಡ್ ಕುರಿತು ಜಾಗೃತಿ ವಹಿಸಲು ತಿಳಿಸಿದರು.

ಬಸವೇಶ್ವರ ವೃತ್ತದಿಂದ ವಲ್ಲಭಬಾಯಿ ವೃತ್ತದವರೆಗೆ ಮಾರುಕಟ್ಟೆ ಪ್ರದೇಶದ ಜನರು, ಕಿಲ್ಲಾ ಭಾಗದಲ್ಲಿ ಮನೆ ಮನೆಗೆ ಹೋಗಿ ಮಾಸ್ಕ, ಸ್ಯಾನಿಟೈಜರ್‌ ವಿತರಿಸಿದರು. ಬಿಜೆಪಿ ಓಬಿಸಿ ಘಟಕದ ಪ್ರಧಾನ ಕಾರ್ಯದರ್ಶಿ ಹಾಗೂ ವೀರ ಶಿವಾಜಿ ಸೇನಾ ಪ್ರಧಾನ ಕಾರ್ಯದರ್ಶಿ ಮಾರುತಿ ನಲವಡೆ, ಸಂದೀಪ ಜಾಧವ, ಮಲ್ಲಯ್ಯ ಮುಪ್ಪಿನವರ ಉಪಸ್ಥಿತರಿದ್ದರು.