ದಿಲ್ಲಿಯಲ್ಲಿ ಹಂದಿ ಜ್ವರಕ್ಕೆ 12 ಬಲಿ; 8 ದಿಲ್ಲಿ ವಾಸಿಗಳು

ಹೊಸದಿಲ್ಲಿ : ಈ ವರ್ಷ ರಾಷ್ಟ್ರ ರಾಜಧಾನಿ ದಿಲ್ಲಿಯಲ್ಲಿ ಎಂಟು ದಿಲ್ಲಿ ನಿವಾಸಿಗಳು ಸೇರಿದಂತೆ ಒಟ್ಟು 12 ಮಂದಿ ಎಚ್‌1ಎನ್‌1 (ಹಂದಿ ಜ್ವರ) ಕಾಯಿಲೆಗೆ ಬಲಿಯಾಗಿದ್ದಾರೆ.

ಈ ವಿಷಯವನ್ನು ದಿಲ್ಲಿ ಆರೋಗ್ಯ ಸಚಿವ ಸತ್ಯೇಂದ್ರ ಜೈನ್‌ ತಿಳಿಸಿದ್ದಾರೆ. ಆದರೆ ವಿವಿಧ ಆಸ್ಪತ್ರೆಗಳಿಂದ ಬಂದಿರುವ ಬಲಿ ಸಂಖ್ಯೆ ವರದಿಗಳಿಗೆ ಹೋಲಿಸಿದರೆ ಸಚಿವ ಜೈನ್‌ ಅವರ ಮಾಹಿತಿ ತಾಳೆಯಾಗುವುದಿಲ್ಲ ಎಂದು ಮಾಧ್ಯಮ ವರದಿಗಳು ಹೇಳಿವೆ.

ಅಕ್ಟೋಬರ್‌ 12ರ ತನಕ ಒಟ್ಟು 2,818 ಹಂದಿ ಜ್ವರ ಪ್ರಕರಣಗಳು ವರದಿಯಾಗಿವೆ. ಇವುಗಳಲ್ಲಿ 620 ಮಂದಿ ಪೀಡಿತರು ಹೊರ ರಾಜ್ಯಗಳಿಗೆ ಸೇರಿದವರಾಗಿದ್ದಾರೆ. ಒಟ್ಟು  12 ಮಂದಿ ಈ ಕಾಯಿಲೆಗೆ ಬಲಿಯಾಗಿದ್ದು  ಈ ಪೈಕಿ ದಿಲ್ಲಿ ವಾಸಿಗಳ ಸಂಖ್ಯೆ ಎಂಟು ಎಂದು ಸಚಿವ ಜೈನ್‌ ಅವರು ಮಾಧ್ಯಮಕ್ಕೆ ತಿಳಿಸಿದ್ದಾರೆ. 

ಅಕ್ಟೋಬರ್‌ ಮೊದಲ ವಾರದಲ್ಲಿ 680 ಡೆಂ  ಪ್ರಕಣಗಳು ವರದಿಯಾಗಿವೆ ಎಂದವರು ತಿಳಿಸಿದರು.