Qatar ವಿಮಾನ ಆಗಸ‌ದಲ್ಲಿ ಓಲಾಡಿ 12 ಮಂದಿಗೆ ಗಾಯ

ಡಬ್ಲಿನ್‌: ದೋಹಾದಿಂದ ಐರ್ಲೆಂಡ್‌ನ‌ ಡಬ್ಲಿನ್‌ಗೆ ಹೊರಟಿದ್ದ ಕತಾರ್‌ ಏರ್‌ವೆàಸ್‌ನ ಬೋಯಿಂಗ್‌ 787 ಬಾಹ್ಯಾಕಾಶದಲ್ಲಿಯೇ ಪ್ರಕ್ಷುಬ್ದತೆಗೆ ಸಿಲುಕಿ ಹೊಯ್ದಾಡಿದೆ. ಈ ಘಟನೆಯಲ್ಲಿ 12ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ ಎಂದು ವರದಿಯಾಗಿದೆ.

ಟರ್ಕಿಯ ಬಳಿ ಪ್ರಕ್ಷುಬ್ದತೆಗೊಳಗಾ ಗಿದ್ದ ವಿಮಾನದಲ್ಲಿದ್ದ 6 ಸಿಬಂದಿ ಹಾಗೂ 6 ಪ್ರಯಾಣಿಕರು ಗಾಯ ಗೊಂಡಿದ್ದರು. ಬಳಿಕ ಡಬ್ಲಿನ್‌ ವಿಮಾನ ನಿಲ್ದಾಣದಲ್ಲಿ ವಿಮಾನ ಲ್ಯಾಂಡ್‌ ಆದ ತತ್‌ಕ್ಷಣ ಏರ್‌ಪೋರ್ಟ್‌ ಪೊಲೀಸ್‌, ಅಗ್ನಿಶಾಮಕದಳ ಹಾಗೂ ತುರ್ತು ಸೇವಾ ಸಿಬಂದಿ ಸ್ಥಳಕ್ಕೆ ಧಾವಿಸಿ ಗಾಯ ಗೊಂಡಿದ್ದ 12 ಮಂದಿಯನ್ನು ಚಿಕಿತ್ಸೆಗೆ ಒಳಪಡಿಸಿದರು. 5 ದಿನಗಳ ಹಿಂದೆ ಸಿಂಗಾಪುರ ಏರ್‌ಲೈನ್ಸ್‌ನ ವಿಮಾನ ವೊಂದು ಲಂಡನ್‌ನಿಂದ ಸಿಂಗಾ ಪುರಕ್ಕೆ ಹೊರಟಿದ್ದಾಗ 6,000 ಅಡಿ ಎತ್ತರದಲ್ಲಿ ಪ್ರಕ್ಷುಬ್ದತೆಗೊಳ ಗಾಗಿದ್ದು, ಅನಂತರ ಬ್ಯಾಂಕಾಕ್‌ ವಿಮಾನ ನಿಲ್ದಾಣದಲ್ಲಿ ಲ್ಯಾಂಡ್‌ ಮಾಡಲಾಗಿತ್ತು. ಈ ಅಪಘಾತದಲ್ಲಿ 73 ವರ್ಷದ ಬ್ರಿಟಿಷ್‌ ಪ್ರಜೆ ಮೃತಪಟ್ಟು, 20 ಮಂದಿ ಗಂಭೀರವಾಗಿ ಗಾಯಗೊಂಡಿ ದ್ದರು. ಒಂದು ವಾರದ ಅಂತರದಲ್ಲಿ 2ನೇ ವಿಮಾನ ದುರಂತ ಇದಾಗಿದೆ.