Advertisement

ಕ್ಯಾನ್ಸರ್‌ ರೋಗಿಗಳಿಗೆ 11ರ ಬಾಲೆಯಿಂದ ಕೇಶದಾನ!

12:34 AM Sep 25, 2021 | Team Udayavani |

ಮಂಗಳೂರು: ಕ್ಯಾನ್ಸರ್‌ ರೋಗದಿಂದ ತಲೆ ಕೂದಲು ನಷ್ಟವಾಗುವ ರೋಗಿಗಳಿಗೆ ವಿಗ್‌ ತಯಾರಿಸಲು ನಗರದ ಎಕ್ಕೂರಿನ ಮಂಗಳೂರು ಕೇಂದ್ರೀಯ ವಿದ್ಯಾಲಯ-2ರ 6ನೇ ತರಗತಿ ವಿದ್ಯಾರ್ಥಿನಿ ಡಿಲ್ನಾ ರಾಜೇಶ್‌ (11) ಕೇಶದಾನ ಮಾಡಿದ್ದಾರೆ.

Advertisement

ತನ್ನ 9ನೇ ವಯಸ್ಸಿನಲ್ಲಿ ರೈಲು ಪ್ರಯಾಣದ ಸಂದರ್ಭ ಕ್ಯಾನ್ಸರ್‌ಗೆ ಚಿಕಿತ್ಸೆ ಪಡೆಯುತ್ತಿರುವ ಕೂದಲು ಉದುರಿದ ರೋಗಿಗಳನ್ನು ಕಂಡಿದ್ದು, ಅವರಿಗೆ ತಾನೂ ನೆರವಾಗಬೇಕೆಂಬ ನಿರ್ಧಾರಕ್ಕೆ ಬಂದಿದ್ದರು. ಅದಕ್ಕಾಗಿ 2 ವರ್ಷಗಳಿಂದ ಕೂದಲನ್ನು ಕಾಳಜಿಯಿಂದ ಬೆಳೆಸಿದ್ದರು. ಹುಟ್ಟಿದ ದಿನವಾದ ಜ. 14ರಂದು ಕೇಶದಾನ ಮಾಡುವುದೆಂದು ನಿಗದಿಯಾಗಿ ದ್ದರೂ ಕೋವಿಡ್‌ ಕಾರಣ ಸಾಧ್ಯ ವಾಗಿರಲಿಲ್ಲ. ಸೆ. 22ರಂದು ಕೇಶದಾನ ಮಾಡಲಾಗಿದೆ.

ಬಡ ಕ್ಯಾನ್ಸರ್‌ ರೋಗಿಗಳಿಗೆ ವಿಗ್‌ ತಯಾರಿಸಿ ನೀಡುವ ತೃಶ್ಶೂರ್‌ನ ಮಿರಾಕಲ್‌ ಚಾರಿಟೆಬಲ್‌ ಅಸೋಸಿ ಯೇಶನ್‌ ನೇತೃತ್ವದ ಹೇರ್‌ ಬ್ಯಾಂಕ್‌ಗೆ ಕೂದಲನ್ನು ನೀಡಲಾಗಿದೆ. ಮತ್ತೆ ಕೂದಲು ಬೆಳೆದಾಗ ಇನ್ನೊಮ್ಮೆ ನೀಡಲು ಡಿಲ್ನಾ ನಿರ್ಧರಿಸಿದ್ದಾರೆ.

ಈಕೆ ಪತ್ರಕರ್ತ ರಾಜೇಶ್‌ ಕುಮಾರ್‌ ಕಾಂಕೋಲ್‌ ಮತ್ತು ಯೇನಪೊಯ ಕಾಲೇಜಿನ ಉಪನ್ಯಾಸಕಿ  ಕೆ.ಎಂ. ಜಮುನಾ ದಂಪತಿಯ ಪುತ್ರಿ. ಕಣ್ಣೂರು ಜಿಲ್ಲೆಯ ಪಯ್ಯನೂರಿನವರಾದ ಅವರು ಪ್ರಸ್ತುತ ಎಕ್ಕೂರಿನಲ್ಲಿ ನೆಲೆಸಿದ್ದಾರೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next