ಮೋದಿ ಆಡಳಿತಕ್ಕೆ 10ನೇ ವರ್ಷ: 1 ರೂ.ಗೆ 10 ಕಿಮೀ. ರಿಕ್ಷಾಯಾನ

ಕುಂದಾಪುರ: ನರೇಂದ್ರ ಮೋದಿ ನೇತೃತ್ವದ ಸರಕಾರ 9 ವರ್ಷಗಳನ್ನು ಪೂರೈಸಿ ದಶಮ ವರ್ಷಕ್ಕೆ ಕಾಲಿಡುವ ಸಂದರ್ಭದಲ್ಲಿ ಇಲ್ಲಿನ ರಿಕ್ಷಾ ಚಾಲಕ ಸತೀಶ್‌ ಪ್ರಭು ಮೇ 26ರಿಂದ ಜೂ. 4ರ ವರೆಗೆ 10 ದಿನಗಳ ಕಾಲ ರಿಕ್ಷಾ ಪ್ರಯಾಣ ದರವನ್ನು 10 ಕಿ.ಮೀ. ತನಕ 1 ರೂ. ಮಾತ್ರ ಸ್ವೀಕರಿಸುವುದಾಗಿ ಫ‌ಲಕ ಹಾಕಿಯೇ ಸಂಚಾರ ಮಾಡುತ್ತಿದ್ದಾರೆ.

ಪ್ರತೀವರ್ಷ ಇವರು ಈ ಸೇವೆ ನಡೆಸುತ್ತಿದ್ದಾರೆ. ಆಡಳಿತದ ವರ್ಷ ಏರುತ್ತಿದ್ದಂತೆಯೇ ಕಿ.ಮೀ. ಸಂಖ್ಯೆ ಹಾಗೂ ಕೊಡುಗೆಯ ದಿನಗಳನ್ನು ಹೆಚ್ಚಿಸುತ್ತಿದ್ದು 1 ರೂ. ಮಾತ್ರ ಹಾಗೆಯೇ ಇರುತ್ತದೆ. ಕೋವಿಡ್‌ ಸಂದರ್ಭ ಕೋವಿಡ್‌- 19 ಲಸಿಕೆ ಹಾಕಿಸಿಕೊಳ್ಳುವವರಿಗೆ, ಆಸ್ಪತ್ರೆಯಲ್ಲಿ ದಾಖಲಾದವರಿಗೆ ಈ ಸೌಲಭ್ಯ ನೀಡಿದ್ದರು. ಇವರು ವಾಜಪೇಯಿ ಹಾಗೂ ನರೇಂದ್ರ ಮೋದಿ ಅವರ ಕಟ್ಟಾ ಅಭಿಮಾನಿ.