100 ಕೋಟಿ ಸಾಲ ಕೊಡಿಸಲು ವಿಧಾನಸೌಧದಲ್ಲಿ  ಡೀಲ್‌

ಬೆಂಗಳೂರು: ಗೋಡಂಬಿ ಬ್ಯುಸಿನೆಸ್‌ ಆರಂಭಿಸಲು ಉದ್ಯಮಿಯೊಬ್ಬರಿಗೆ 100 ಕೋ.ರೂ. ಸಾಲ ಕೊಡಿಸುವುದಾಗಿ ವಿಧಾನಸೌಧದಲ್ಲಿಯೇ ಮಾತುಕತೆ ನಡೆಸಿ 1.12 ಕೋಟಿ ರೂ. ಹಣ ಪಡೆದು ವಂಚಿಸಿದ ಆರೋಪ ಪ್ರಕರಣಕ್ಕೆ ಸಂಬಂಧಿಸಿದಂತೆ,  ವಂಚನೆಗೊಳಗಾದ ಉದ್ಯಮಿ ರಮೇಶ್‌ ಹೇಳಿಕೆ ಶನಿವಾರ  ವಿಧಾನಸೌಧ ಠಾಣೆ ಪೊಲೀಸರು ದಾಖಲಿಸಿಕೊಂಡಿದ್ದಾರೆ.

ಪ್ರಕರಣಕ್ಕೆ ಸಂಬಂಧಿಸಿದಂತೆ ತನಿಖೆ ಚುರುಕುಗೊಳಿ ಸಿರುವ ಪೊಲೀಸರು, ವಂಚನೆಗೊಳಗಾದ ರಮೇಶ್‌ ಅವರನ್ನು ವಿಚಾರಣೆ ನಡೆಸಿ ಅವರ ಹೇಳಿಕೆ ದಾಖಲಿಸಿ ಕೊಂಡಿದ್ದು, 100 ಕೋಟಿ ರೂ. ಸಾಲ ಕೊಡಿಸುವುದಾಗಿ ನಂಬಿಸಿ ಆರಂಭಿಕವಾಗಿ ಸ್ಟಾಂಪ್‌ ಪೇಪರ್‌ ಖರ್ಚಿಗೆ 1.12 ಕೋಟಿ ರೂ.ಗಳನ್ನು ಆರೋಪಿಯಾದ ಅಜಯ್‌ಗೆ ಒಬೆರಾಯ್‌ ಹೋಟೆಲ್‌ ಸಮೀಪ ನೀಡಿರುವುದಾಗಿ ಹೇಳಿಕೆ ನೀಡಿದ್ದಾರೆ ಎಂದು ಅಧಿಕಾರಿ ತಿಳಿಸಿದರು.